వారెవ్వా, హత్యలకు పాములను వాడాడు

హైదరాబాద్: హత్యలకు కత్తులను, తుపాకులను, ఇతర మారణాయుధాలను వాడుతుంటారు. కానీ ఓ వ్యక్తి అత్యంత తెలివి ప్రదర్సించి, తాచుపాములను వాడాడు. అతని కుట్రను గమనించిన ఓ కటుంబం అతన్ని పట్టుకుని పోలీసులకు అప్పగించింది. అంతకు ముందు నాలుగు సార్లు తాచుపాములను ప్రయోగించడంతో కుటుబానికి అనుమానం వచ్చింది. హైదరాబాదులోని నారాయణగుడాలో ఈ సంఘటన చోటు చేసుకుంది.

హైదరాబాదులోని నారాయణగుడా విఠల్‌వాడీ చౌరస్తాలో అమరజిత్ రెడ్డి (35) అనే వ్యక్తి గుర్తు తెలియని వ్యక్తులు గత నాలుగు నెలలుగా ప్రతి అమావాస్య రోజు తన ఇంటి ముందు ఓ సంచీని వదిలి వెళ్తుండడాన్ని గమనించాడు. ప్రతి సారీ దాన్ని తెరిచి చూసినప్పుడు ఓ సీసాలో తాచుపాము, నవ ధాన్యాలు, పసుపు కుంకుమ, తదితర సామగ్రి ఉండడం గమనించి తీవ్ర భయాందోళనలకు గురవుతూ వచ్చారు

ఓ అమావాస్య రోజు పాము బతికి ఉంది, మిగతా రోజుల్లో ఊపిరాడక పాములు చనిపోయాయి. అనుమానం వచ్చిన అమర్‌జిత్ రెడ్డి తన ఇంటి ముందు సీసీ కెమెరాలు ఏర్పాటు చేసుకున్నారు. ఈ నేపథ్యంలో బుధవారం రాత్రి సరిగ్గా 9 గంటల ప్రాంతంలో ఇద్దరు వ్యక్తులు కొత్త హోండా స్కూటర్‌పై వచ్చి ఓ సంచిన ఇంటి ముందు పెట్టి పారిపోతుండగా, ఓ వ్యక్తి వెంబడించి వారిని నిలువరించాడు.

అప్పటికే ఓ వ్యక్తి పారిపోయాడు. ఈ సంఘటనలో లాలాగుడాకు చెందిన రైల్వే శాఖలో చీఫ్ టికెట్ ఇన్‌స్పెక్టర్‌గా విధులు నిర్వహిస్తునన్ నర్సింగరావు అనే వ్యక్తిని అదుపులోకి తీసుకుని పోలీసులు అప్పగించారు. నిందితుని స్కూటర్ డిక్కీ తెరవగా మరో రెండు పాములు డబ్బాలో చనిపోయి కనిపించాయి.

English summary

A person is using snakes to kill at Himayathnagar in Hyderabad.