బాగా దగ్గుతున్నారా? నిర్లక్ష్యం చెయ్యొద్దు.. క్షయ కావచ్చు!
చాలామంది దగ్గు వస్తే దగ్గు సిరప్ లు తాగి తగ్గటం లేదని, సిరప్ లు మార్చి మార్చి తాగుతూ అవస్థలు పడుతూ ఉంటారు. కానీ సరిగ్గా డయాగ్నసిస్ చేయించుకోరు. అయితే మూడు వారాల కంటే దగ్గు కొనసాగుతూ ఉంటె కచ్చితంగా ఆరోగ్య నిపుణుల వద్దకు వెళ్లి అన్ని రకాల పరీక్షలు చేయించుకోవాలి.
ప్రజల ఆరోగ్యాన్ని ప్రమాదంలోకి నెడుతున్న క్షయ
ఎందుకంటె అది క్షయ కావచ్చు. ఒకవేళ అది క్షయ అయితే అది తన ఆరోగ్యంతో పాటు పక్క వాళ్ళ ఆరోగ్యాన్ని కూడా పాడు చేస్తుంది. చాలా మందికి క్షయ విషయంలో అవగాహన లేమి కారణంగా వారు దానిని ప్రాధమిక దశలో గుర్తించటం లేదు. ఫలితంగా ఇది అనేకమందికి వ్యాప్తి చెంది చాలా మంది ఆరోగ్యాన్ని ప్రమాదంలోకి నెడుతుంది.
క్షయ వ్యాధి తీవ్రమైన అంటువ్యాధి
క్షయవ్యాధి (TB) మైకోబాక్టీరియం ట్యూబర్క్యులోసిస్ అనే బ్యాక్టీరియం వల్ల కలిగే తీవ్రమైన అంటువ్యాధి క్షయ. ఇది ప్రధానంగా ఊపిరితిత్తులను ప్రభావితం చేస్తుంది. మన శరీరంలో కండరాలు క్షీణించేలా చేస్తుంది. అంతేకాదు ఇది శరీరంలోని ఇతర భాగాలను కూడా ప్రభావితం చేయవచ్చు. క్షయవ్యాధి సోకిన వ్యక్తి దగ్గినా, తుమ్మినా గాలిలోని బిందువుల ద్వారా వ్యాపిస్తుంది. క్షయ లక్షణాలు మరియు నివారణను అర్థం చేసుకోవడం దాని వ్యాప్తిని నియంత్రించడానికి చాలా ముఖ్యం.
క్షయవ్యాధి లక్షణాలు
క్షయవ్యాధి యొక్క సాధారణ లక్షణాలలో మూడు వారాల కంటే ఎక్కువ కాలం కొనసాగే నిరంతర దగ్గు, ఛాతి నొప్పి మరియు రక్తం ఉమ్మడం వంటి లక్షణాలు కనిపిస్తాయి. అంతేకాదు ఇందులో అలసట, బరువు తగ్గడం, జ్వరం మరియు రాత్రిపూట చెమటలు పట్టటం వంటి లక్షణాలు కూడా స్వల్పంగా కనిపిస్తాయి. కనుక ఎవరైతే క్షయ వ్యాధితో బాధ పడతారో వారు తక్షణం వైద్యం ప్రారంభించాలి, కోర్సు ప్రారంభించి వైద్య చికిత్స తీసుకుంటే మంచి ఫలితం ఉంటుంది.
క్షయ నిర్ధారణ మరియు చికిత్స
క్షయవ్యాధిని నిర్ధారించడానికి చర్మ పరీక్షలు, రక్త పరీక్షలు మరియు ఛాతీ ఎక్స్-రే వంటి ఇమేజింగ్ అధ్యయనాలు చేస్తారు. బ్యాక్టీరియా ఉంది లేనిదీ తెలుసుకోవటానికి కఫ నమూనాలను కూడా పరీక్షిస్తారు. చికిత్సలో ఆరు నుండి తొమ్మిది నెలల పాటు సాధారణంగా కొనసాగే యాంటీబయాటిక్స్ యొక్క దీర్ఘకాలిక కోర్సు ఇస్తారు. ఔషధ నిరోధకతను నివారించడానికి చికిత్స పద్ధతిని పాటించడం చాలా ముఖ్యంగా చెప్తారు.కాబట్టి క్షయ విషయంలో జాగ్రత్త.
Click it and Unblock the Notifications
Sign in with Google