2026లో రెండవ అరుదైన సూర్య గ్రహణం.. ఈ రాశుల వారికి కనకవర్షం!
ఖగోళ శాస్త్రంలోనూ, జ్యోతిష్య శాస్త్రంలోనూ గ్రహణాలకు అత్యంత ప్రాధాన్యత ఉంది. 2026 సంవత్సరంలో రాబోయే రెండవ కంకణాకార సూర్యగ్రహణానికి సంబంధించి ఎన్నో ఆసక్తికర విషయాలు వెలుగులోకి వచ్చాయి. ఈ గ్రహణం ఎప్పుడు ఏర్పడనుంది, దీని సమయాలు ఏమిటి, సూతక కాలం వర్తిస్తుందా లేదా మరియు ద్వాదశ రాశులపై దీని ప్రభావం ఎలా ఉండబోతుంది అనేది ఇక్కడ తెలుసుకుందాం.
సూర్యగ్రహణం ఎప్పుడు?
2026 సంవత్సరపు రెండవ సూర్యగ్రహణం ఆగస్టు 12వ తేదీన సంభవించనుంది. భారతీయ కాలమానం ప్రకారం, ఈ గ్రహణం ఆగస్టు 12వ తేదీ రాత్రి గం. 09:12 నిమిషాలకు ప్రారంభమై, అర్ధరాత్రి దాటిన తర్వాత అనగా ఆగస్టు 13వ తేదీ తెల్లవారుజామున గం. 01:23 నిమిషాలకు ముగుస్తుంది.
భారతదేశంలో కనిపిస్తుందా? సూతక కాలం ఉందా?
ఈ సూర్యగ్రహణం భారతదేశంలో కనిపించదు. ఇది ప్రధానంగా యూరప్, ఆఫ్రికా, ఉత్తర అమెరికా వంటి ప్రాంతాలలో స్పష్టంగా వీక్షించడానికి వీలవుతుంది. జ్యోతిష్య శాస్త్ర నియమాల ప్రకారం, గ్రహణం ఎక్కడైతే దృశ్యమానం అవుతుందో, అక్కడ మాత్రమే సూతక కాల నియమాలు వర్తిస్తాయి. ఈ గ్రహణం భారతదేశంలో కనిపించదు కాబట్టి, ఇక్కడ ఎలాంటి సూతక కాల నియమాలను పాటించాల్సిన అవసరం లేదు. దేవాలయాల మూసివేత వంటివి కూడా ఉండవు.
ఈ రాశులవారికి అనుకూలం
ఈ సూర్యగ్రహణం కర్కాటక రాశి మరియు ఆశ్లేష నక్షత్రంలో సంభవించబోతోంది. దీని కారణంగా 12 రాశుల వారిపై భిన్నమైన ప్రభావాలు ఉండనున్నాయి: అయితే ఈ సూర్య గ్రహణం కారణంగా అనుకూలతలు పొందే రాశుల విషయానికి వస్తే వృషభం, మిథునం, కన్య, తులా రాశుల వారికి ఈ గ్రహణం తర్వాత ఆర్థికంగా కలిసివస్తుంది. ఉద్యోగాలలో ప్రమోషన్లు, నూతన వ్యాపార అవకాశాలు దక్కుతాయి. ఎప్పటినుండో నిలిచిపోయిన పనులు వేగంగా పూర్తవుతాయి.
గ్రహణ సమయంలో వీరు జాగ్రత్త
సహజంగా గ్రహణాలు ఏవైనా సరే ప్రతికూల ప్రభావాలనే కలిగిస్తాయని చెప్తారు. కనుక గ్రహణ సమయంలో గర్భిణీ స్త్రీలు, వృద్ధులు తగిన జాగ్రత్తలు తీసుకోవాలి. గ్రహణ అనంతర ప్రభావాల నివారణకు దానధర్మాలు చేయడం మంచిదని జ్యోతిష్య నిపుణులు సూచిస్తున్నారు.
Click it and Unblock the Notifications
Sign in with Google