వాస్తు ప్రకారం నరదిష్టికి గుమ్మడికాయ కడుతుంటే 3 తప్పులు చేయకూడదు
భారతీయ సంస్కృతిలో ఇంటి ముఖద్వారం కేవలం లోపలికి వెళ్లే దారి మాత్రమే కాదు, అది లక్ష్మీదేవి నివాసం ఉండే పవిత్ర స్థలం. అందుకే కొత్త ఇల్లు కట్టినా, వ్యాపారం మొదలుపెట్టినా మన కళ్లు మొదట వెతికేది 'బూడిద గుమ్మడికాయ' కోసం. "నరుని దృష్టికి నల్ల రాయి కూడా పగులుతుంది" అన్న సామెతను బలంగా నమ్మే మన సమాజంలో, ఈ గుమ్మడికాయ దిష్టి నుంచి రక్షణ కల్పిస్తుంది. హైటెక్ భవనాల నుంచి పల్లెటూరి పూరిళ్ల వరకు గుమ్మం పైన వేలాడే ఈ కాయ వెనుక ఉన్న అంతరార్థం, ఆచరించాల్సిన నియమాల గురించి తెలుసుకుందాం. ఎందుకంటే తరతరాలుగా మన సమాజంలో బూడిద గుమ్మడికాయ ఆచారం ఉంది కాబట్టి.
దృష్టిని మళ్లించే వికృత రూపం
సాధారణంగా బూడిద గుమ్మడికాయపై రంగులతో వికృతమైన బొమ్మలు గీయడం మనం చూస్తుంటాం.
దీని వెనుక ఒక ఆసక్తికరమైన సైకాలజీ ఉంది.
ఎవరైనా ఈర్ష్యతోనో లేదా అతిశయంతోనో ఇంటిని చూసినప్పుడు,
వారి దృష్టి నేరుగా ఇంటిపై పడకుండా ఆ వికృత రూపం ఆకర్షిస్తుంది.
అంటే, నెగెటివ్ ఎనర్జీని తనలోకి లాగేసుకుని ఇంటి యజమానికి రక్షణనిస్తుంది.
అందుకే పసుపు, కుంకుమలు అద్ది, నల్ల దారంతో చుట్టి, నిమ్మకాయలతో కలిపి దీనిని వేలాడదీస్తారు.
పాటించాల్సిన ముఖ్యమైన నియమాలు
గుమ్మడికాయను కట్టేటప్పుడు మనలో చాలామంది చేసే చిన్న చిన్న పొరపాట్లు
ఆ ఆచార ఫలితాన్ని తగ్గించవచ్చు. పండితుల సూచనల ప్రకారం ఇవి గుర్తుంచుకోవాలి.
మార్కెట్ నుంచి తెచ్చిన గుమ్మడికాయను నీటితో అస్సలు కడగకూడదు.
అలా చేస్తే దానిలోని దైవ శక్తి హరించుకుపోతుందని శాస్త్రం చెబుతోంది.
గుమ్మడి కాయకు తొడిమ ఉండటం అత్యవసరం.
తొడిమ లేని గుమ్మడికాయ 'నిర్జీవమైనది'గా లెక్క.
శుభ సమయం
దీనిని కట్టడానికి అమావాస్య అత్యంత ప్రశస్తమైన రోజు.
అమావాస్య సూర్యోదయానికి ముందే కడితే నరదిష్టి ప్రభావం శూన్యమవుతుంది.
వీలుకాకపోతే బుధ లేదా శనివారాల్లో ఉదయం పూట కట్టవచ్చు.
కానీ సూర్యాస్తమయం తర్వాత మాత్రం ఎప్పుడూ కట్టకూడదు.
మార్చాల్సిన సమయం ఎప్పుడు?
గుమ్మడికాయ ఇంటి ముందు ఉన్న నెగెటివ్ ఎనర్జీని స్పాంజ్ లాగా పీల్చుకుంటూ ఉంటుంది.
కాబట్టి ప్రతి అమావాస్యకు పాతది తీసి కొత్తది కట్టడం శ్రేయస్కరం.
ఒకవేళ కాయ మధ్యలోనే కుళ్లిపోతే, అది మీ ఇంటిపై పడాల్సిన పెద్ద విపత్తును
లేదా నెగెటివ్ వైబ్రేషన్స్ను పీల్చుకుందని అర్థం.
అప్పుడు వెంటనే దానిని తీసివేసి, ఎవరూ తొక్కని చోట పడేసి కొత్తది కట్టాలి.
Click it and Unblock the Notifications
Sign in with Google