Vastu tips: ఇంట్లో డబ్బులు పుష్కలంగా ఉండాలంటే వంటింట్లో ఎప్పటికీ ఉండాల్సిన వస్తువులు ఇవే!!

Updated: Thursday, May 12, 2022, 16:13 [IST]

జీవితం పైన వాస్తు ప్రభావం ఉంటుందని వాస్తు శాస్త్రం పదే పదే చెబుతోంది. ఇక గృహ నిర్మాణంలో వాస్తు దోషాలు ఉన్నా ఇబ్బందులు ఎదుర్కోవాల్సి వస్తుందని వాస్తు శాస్త్ర నిపుణులు చెబుతున్న విషయం తెలిసిందే. గృహనిర్మాణంలో ముఖ్యంగా వంటగదిలో, వంట గదిలో ఉండాల్సిన వస్తువులు విషయంలోనూ వాస్తు నియమాలు పాటిస్తే లక్ష్మీదేవి ఇంట్లో తాండవిస్తుంది అని వాస్తు శాస్త్ర నిపుణుల విశ్వాసం. వంటగది వాస్తు దోషంగా ఉంటే, ఆ స్థలంలో నివసించే వారు అభివృద్ధి చెందలేరు. అంతేకాదు ఆ ప్రదేశంలో మహాలక్ష్మి రాక ఉండదు, దాని కారణంగా డబ్బుకు కొరత ఎల్లప్పుడూ ఉంటుంది.

వంటగదిలో ఎప్పటికీ ఉండవలసిన పదార్థాలు నిండుకుంటే లక్ష్మీదేవికి ఆగ్రహం

కాబట్టి ఈ రోజు మనం వాస్తు శాస్త్రం ప్రకారం, వంటగదిలో ఎన్నటికీ అంతం చేయకూడని పదార్థాలు ఏమిటో తెలుసుకుందాం. వాస్తు శాస్త్రం ప్రకారం కొన్ని పదార్థాలు వంటగదిలో ఎప్పుడూ ఉండాలి. అవి పూర్తిగా అయిపోయేదాకా చూడకూడదు. ఒకవేళ అలా పదార్థాలు పూర్తిగా నిండుకుంటే మహాలక్ష్మికి కోపం వస్తుంది . మీ ఆర్థిక పరిస్థితి కూడా చెడుగా ప్రభావితమవుతుంది. అటువంటి పరిస్థితిలో, లక్ష్మీ దేవిని ప్రసన్నం చేసుకోవడానికి వంటగదిలో ఏయే వస్తువులు అవసరమో తెలుసుకుందాం.

వంట గదిలో ఉప్పు లేకుంటే ప్రతికూల ప్రభావం

ఉప్పు... వంట గదిలో ఉప్పు ఎప్పుడూ నిండుకోరాదు. ఉప్పు ఆహారపు రుచిని పెంచడానికి పని చేస్తుంది, మరోవైపు, వాస్తు ప్రకారం, ఇది ఇంట్లో ఉన్న ప్రతికూల శక్తిని కూడా తొలగిస్తుంది. దీనితో పాటు, ఇది వాస్తు దోషాలను, రాహు-కేతువుల అశుభ ప్రభావాలను కూడా తొలగిస్తుంది. కాబట్టి వంటగదిలో ఎల్లప్పుడూ ఉప్పు ఉండాల్సిందే.

ఇంట్లో పసుపు లేకుంటే అన్ని పనులకు ఆటంకం

హిందూమతంలో పసుపుకు చాలా ప్రాముఖ్యత ఉంది. జీవితాన్ని ఆనందమయం చేయడానికి, వాస్తు శాస్త్రంలో ఇటువంటి అనేక పద్ధతులు చెప్పబడ్డాయి. ఇందులో పసుపు చాలా ప్రభావవంతంగా ఉంటుంది. విశ్వాసాల ప్రకారం, పసుపు బృహస్పతి గ్రహానికి సంబంధించినది. అటువంటి పరిస్థితిలో, మీ ఇంట్లో పసుపు అయిపోతే, అప్పుడు బృహస్పతి గ్రహం యొక్క దోషం వస్తుంది. దాని కారణంగా మీ అన్ని పనులకు ఆటంకం ఏర్పడుతుంది. కాబట్టి వంటగదిలో పసుపును ఎప్పటికీ అయిపోనివ్వకండి.

వంట గదిలో బియ్యం అయిపోతే డబ్బు సమస్యలు

వంట గదిలో ఉండవలసిన మరొక పదార్థం బియ్యం. హిందూమతంలో, బియ్యం ఖచ్చితంగా పూజలు మరియు శుభ కార్యాలలో ఉపయోగించబడుతుంది. శుభకార్యాలకు ఉపయోగించే బియ్యాన్ని అక్షింతలు అని పిలుస్తారు. వాస్తు శాస్త్రం ప్రకారం అన్నం శుక్ర గ్రహానికి సంబంధించినది. వంటగదిలో బియ్యం అయిపోతే దానికి శుక్రుడు కారణమని నమ్ముతారు. దీని కారణంగా డబ్బుకు సంబంధించిన సమస్యలు ఉండవచ్చు. కాబట్టి వంటగదిలో బియ్యం అయిపోకుండా చూసుకోండి.

ఇంట్లో గోధుమ పిండి అయిపోతే చిరాకులు

వంటగదిలో ఉంచుకోవాల్సిన మరొక పదార్ధం గోధుమపిండి. వాస్తు శాస్త్రం ప్రకారం, పిండి ఆర్థిక స్థితికి సంబంధించినది అందుకే పిండిని ఎప్పటికీ అయిపోనివ్వవద్దు. పిండి అయిపోయినప్పుడు, మీ పనికి అంతరాయం కలగవచ్చు. చిరాకులు ఎదురు కావచ్చు. దీనితో పాటు, మీరు ఆర్థిక ఇబ్బందులను కూడా ఎదుర్కోవలసి ఉంటుంది అని వాస్తు శాస్త్రం చెబుతోంది. ముఖ్యంగా ఈ నాలుగు పదార్థాలను ఇంట్లో అయిపోకుండా చూసుకుంటే లక్ష్మీ కటాక్షం కలుగుతుందని వాస్తు శాస్త్రం చెబుతోంది.