Vastu tips: ఇళ్ళలో నీటివనరులకు వాస్తు నియమాలు; ఈ దిశలలో బోర్‌వెల్స్ అసలే వెయ్యొద్దు!!

Published: Friday, September 16, 2022, 16:29 [IST]

ప్రతి ఇంటి నిర్మాణానికి వాస్తు ఏ విధంగా అవసరమో, అదేవిధంగా ప్రతి ఇంట్లో నీటి వనరులను ఏర్పాటు చేసుకోవడానికి కూడా వాస్తు అంతే అవసరం. ప్రతి ఇంట్లోనూ నీటి వసతి కచ్చితంగా ఉండాలి. నీటి సౌకర్యం లేని ఇంట్లో జీవించడం కష్టంగా మారుతుంది. కాబట్టి నీటి వసతి ఏర్పాటు చేసుకోవడానికి ప్రతి ఒక్కరూ ఇళ్లల్లో బోర్లను వేసుకుంటారు. బోర్‌వెల్ ద్వారా ఇంటికి కావలసిన నీటి సదుపాయాన్ని కల్పించుకున్నారు. అయితే ఈ బోర్ వెల్ ను ఏర్పాటు చేయడం కూడా వాస్తు శాస్త్రం ప్రకారం చేయాలని వాస్తు శాస్త్ర నిపుణులు సూచిస్తున్నారు.

ఇంట్లో నీటి వనరుల విషయంలో వాస్తు నియమాలు పాటించాలి

పంచభూతాలలోని ఐదు భాగాలలో నీరు ఒకటి . ఇది మనిషి జీవితానికి మూలాధారంగా పరిగణించబడుతుంది. అటువంటి నీటికి వాస్తు శాస్త్రం లో అత్యధిక ప్రాధాన్యత ఉంది. నీటి వనరుల విషయంలో బోర్‌వెల్ ప్రదేశం, వాస్తు ప్రకారం అనుకూలమయినదిగా ఉండాలి. తూర్పు ముఖంగా ఉన్న ఇంటిలో, పడమర ముఖంగా ఉన్న ఇంటిలో, దక్షిణ ముఖంగా ఉన్న ఇంటిలో, ఉత్తరం వైపు ఉన్న ఇంటిలో బోర్‌వెల్ కోసం వాస్తు శాస్త్రం ఎటువంటి సూచనలు చేస్తుందో ఇక్కడ తెలుసుకుందాం

ఇంట్లో నీటి కోసం బోర్ వెల్.. ఈ దిశలలో అయితేనే బెస్ట్

వాస్తు శాస్త్రం ప్రకారం, బోర్‌వెల్, ట్యూబ్‌వెల్‌ను ఏర్పాటు చేయాలంటే, తప్పనిసరిగా చేయవలసినవి కొన్ని ఉన్నట్టే, ఖచ్చితంగా చేయకూడని కూడా కొన్ని ఉన్నాయి. బోర్‌వెల్ ను నిర్మించేటప్పుడు, ఉత్తరం, ఈశాన్య మరియు తూర్పు దిశలు ఉత్తమమైనవిగా భావిస్తారు. బోర్‌వెల్ ఇంటిని పూర్తి చేయడానికి ముందే నిర్మించాలని సిఫార్సు చేయబడింది. ఎందుకంటే ఇది అనేక ప్రయోజనాలను కలిగి ఉంది. ప్రజలు తమ ఇళ్లను నిర్మించుకోవడానికి కూడా ఈ నీటి వనరులను ఉపయోగించుకోవచ్చు. ఇంకా, మీరు బావిగానీ, బోర్ వెల్ గానీ డ్రిల్లింగ్ ప్రక్రియను ప్రారంభించే ముందు భూమి పూజ చేయడం చాలా పవిత్రమైనదిగా పరిగణించబడుతుంది. అలా శాస్త్రోక్తంగా బోర్ వెల్ వేయడానికి ప్రయత్నించే వారికి నీరు పుష్కలంగా పడుతుందని వాస్తు శాస్త్ర నిపుణులు చెబుతున్నారు.

బోర్లను సరైన దిశలోనే తవ్వుకోవాలి

సరైన ప్రదేశాల్లో బావిని తవ్వడం వల్ల సంపద వృద్ధి చెందుతుంది. ఎక్కడపడితే అక్కడ వాస్తు చూసుకోకుండా నీరు ఉందని బోర్ వెల్ ఏర్పాటు చేస్తే, బావులు తవ్వితే అనేక ఇబ్బందులు ఎదుర్కోవాల్సి వస్తుందని వాస్తు శాస్త్ర నిపుణులు చెబుతున్నారు. కచ్చితంగా వాస్తు సరి చూసుకున్న తర్వాతనే బోర్లు తప్పుకోవాలని సూచిస్తున్నారు. బోర్లను తప్పు దిశలో ఏర్పాటు చేస్తే తీవ్ర పరిణామాలు ఎదుర్కోవాల్సి వస్తుందని, అటువంటి సమయంలో ఆ బోర్ వెల్ లను మూసివేయడం మంచిదని వాస్తు శాస్త్ర నిపుణులు సూచిస్తున్నారు.

ఈ దిశలలో బోర్లు వెయ్యకూడదు.. అలా వేస్తే ప్రతికూల ఫలితాలు

నిజానికి, బోర్‌వెల్ అభివృద్ధిలో కొన్ని పనులు చేయడానికి ప్రాధాన్యతనిచ్చినట్లే, దానితో అనేక ప్రతికూలతలు ఉండే అవకాశం ఉన్నందున కొన్ని విషయాలను నివారించాలి. వాస్తు ప్రకారం, నైరుతి, దక్షిణం, వాయువ్యం లేదా పడమర దిశలలో బోర్‌వెల్ నిర్మించడం సిఫారసు చేయబడలేదు. ఎందుకంటే ఇది ఇంట్లో ప్రతికూలతను కలిగిస్తుంది. ఇంకా, భూమి మధ్యలో బావిని తవ్వితే కూడా ప్రతికూలతలు వస్తాయని చెబుతున్నారు. బావి మరియు పంపు కాంపౌండ్ గోడలకు చాలా దగ్గరగా ఉండకూడదు. శుభ్రపరచడం మరియు నిర్వహణ కోసం తగినంత స్థలం ఉండాలి.

ఇంటి గోడలకు తాకకుండా బోర్లు, బావుల నిర్మాణం, ఒకవేళ తాకితే దుష్ప్రభావం

అలాగే, బావి గోడలు ఇంటి గోడలను తాకకుండా చూసుకోండి. ఎందుకంటే ఇది నివాసితులపై ప్రతికూల ప్రభావాన్ని చూపుతుంది. బావిని తప్పుగా తవ్వినట్లయితే, ఇంట్లో నివసించే వ్యక్తులకు సంపద నష్టం, మరణం, బాధలు వంటి దుష్ప్రభావాలకు గురవుతారు. ఏది ఏమైనప్పటికీ, వాస్తు దానిని అనుకూలమైన పరిస్థితికి తగినట్టుగా బోర్లు వేస్తే , అది ఆశాజనక వాతావరణాన్ని సృష్టిస్తుంది. అంతేకాదు నివాసితుల శ్రేయస్సును నిర్ధారిస్తుంది.

disclaimer: ఈ కథనం సాధారణ నమ్మకాలు మరియు ఇంటర్నెట్‌లో అందుబాటులో ఉన్న అంశాల ఆధారంగా రూపొందించబడింది. oneindia దీనిని ధృవీకరించలేదు.

Published On September 16, 2022