ఇది ప్రజాస్వామ్యవిజయంః కరుణ

By Staff

Published: Wednesday, July 4, 2001, 23:53 [IST]

చెన్నయ్‌ః తాను నాలుగు రోజుల్లో జైలు నుంచి విడుదల కావడం ప్రజాస్వామ్యానికి లభించిన విజయమని డిఎంకె అధ్యక్షుడు డాక్టర్‌ఎం. కరుణానిధి చెప్పారు. బుధవారం సాయంత్రం 6 గంటలకు చెన్నయ్‌సెంట్రల్‌ జైలు నుంచి ఆయన విడుదలయ్యారు. ఆయననువీల్‌ చైరులో వ్యాన్‌ వరకు తీసుకువచ్చారు. ఆ తరువాత అభిమానుల హర్షధ్వానాల మధ్య కరుణానిధి గోపాలపురం లోని సొంతఇంటికి చేరుకున్నారు. ఆ తరువాత డిఎంకె ప్రధాన కార్యాలయానికి చేరుకొని అక్కడ ఆయనవిలేకరులతో మాట్లాడారు.

తాను సత్వరం విడుదల కావడానికి సహకరించిన కేంద్రానికి ఆయన కృతజ్ఞతలు చెప్పారు. తనను కిరాతకంగాఅరెస్టు చేసిన పోలీసులపై చర్య తీసుకోవాలని ఆయనకోరారు. జయ సర్కారుపై కేంద్రం తీసుకున్న చర్య పట్ల ఆయన సంతృప్తి ప్రకటించారు.విలేకరుల సమావేశంలో మురసోలి మారన ప్రభృతులు పాల్గొన్నారు.

జయకరుణ కాదు కేంద్రం చలవే
తన భర్తను జయలలిత కరుణతో వదిలేసిందడాన్ని కరుణానిధి సతీమణి అమ్మాళ్‌ ఖండించారు. కేంద్ర ప్రభుత్వ జోక్యం వల్లే తన భర్త ప్రాణాలతో బయట పడ్డారని ఆమె బుధవారంవిలేకరులకు చెప్పారు. మానవత్వంతో తన భర్తను విడుదల చేశానంటూ జయ ప్రకటించారని అయితే ఆయననుఅరెస్టు చేసే సమయంలో ఆ మానవత్వం ఎటు పోయిందని ఆమె ప్రశ్నించారు.