పాకిస్థాన్‌ అమెరికా అదనపు సహాయం

న్యూయార్క్‌: ఉగ్రవాదానికి వ్యతిరేకంగా జరిగే పోరులో సహకరిస్తున్న పాకిస్థాన్‌కు కొత్తగా 500 మిలియన్‌ డాలర్ల సహాయం అందించాలని అమెరికా అధికార యంత్రాంగం కాంగ్రెస్‌ను అడిగేందుకు సిద్ధపడుతున్నది. ఇది వరకే అందించిన వంద మిలియన్‌ డాలర్ల సహాయానికి ఇది అదనం. ఈ వంద మిలియన్‌ డాలర్లలో సగం నగదు రూపంలో ఇప్పటికే విడుదల చేశారు. మరో సగం వచ్చే వారం అందజేస్తారు.

అరబ్‌, ముస్లిం దేశాలకు తన ఉగ్రవాద వ్యతిరేక చర్యలకు ఊతం కల్పించుకోవడానికి అమెరికా ఏ విధంగా సహాయం చేస్తుందో ఈ విషయం తెలియజేస్తోందని న్యూయార్క్‌ టైమ్స్‌ రాసింది.
అదనంగా ఇచ్చే 500 మిలియన్‌ డాలర్లను పాకిస్థాన్‌ తన సరిహద్దుల భద్రతకు, విద్యకు, వైద్యానికి వాడుతుందని అమెరికా అంటోంది. ఇందులో భాగంగానే అమెరికా సూడాన్‌ దైత్య కార్యకలాపాలపై వున్న ఆంక్షలను ఎత్తివేసింది.