వ్యవస్థీకృత నేరాలపై ఉక్కుపాదం

హైదరాబాద్‌ః వ్యవస్థీకృత నేరాలను అదుపుచేసేందుకు రాష్ట్ర ప్రభుత్వం రూపొందించిన ప్రత్యేక చట్టం వారం పదిరోజుల్లో అమల్లోకి వచ్చే అవకాశం వుంది.

ఈవిషయం డిజిపి హెచ్‌జె దొర చెప్పారు. ఈ కొత్త చట్టానికి రాష్ట్రపతి కెఆర్‌ నారాయణన్‌ ఆమోద ముద్ర లభించడంతో ఇక అమల్లోకి తేవడమే తరువాయి అని ఆయన చెప్పారు.ముంబాయి తరహాలో హైదరాబాద్‌లోనూ ఇతర ప్రధాన నగరాల్లోనూ ఈ మధ్య కాలంలో వ్యవస్థీకృత నేరాలు జరుగుతున్నాయని ఆదిలోనేవీటిపై వేటు వేయడం అవసరమని ఆయన చెప్పారు. ఇప్పుడు ఉపేక్షిస్తే ఆ తర్వాతవీటిని అణిచివేయడం సాధ్యం కాదని ఆయన చెప్పారు. ఈ చట్టం కిందఅరెస్టయిన వారికి బెయిల్‌ రాదు. పోలీసు అధికారుల ముందు ఇచ్చిన సాక్ష్యాన్ని కోర్టు కూడా ఆమోదించాల్సివుంటుంది. ఇలాంటి కఠిన మైన నిబంధనల వల్ల చట్టాల్లోని లొసుగులను అడ్డుపెట్టుకుని తప్పుకునే అవకాశం నిందితులకు వుండదు.