వేగవంతమైన అలర్ట్స్ కోసం
For Daily Alerts
రష్యా, అమెరికాల్లో వాజ్పేయి టూర్
న్యూఢిల్లీః భారత ప్రధాని అటల్బిహారీ వాజ్ పేయి నవంబర్ నాలుగు నుంచి వారం రోజుల పాటు రష్యా, అమెరికా,బ్రిటన్ లలో పర్యటించనున్నారు. వచ్చే వారం ప్రారంభంలో వాజ్పేయి రష్యాలో పర్యటిస్తారు. ఆ తరువాత అమెరికా చేరుకుంటారు. నవంబర్ 9న వాజ్పేయి అమెరికా అధ్యక్షుడు బుష్ తో భేటీ అవుతారు. వాజ్పేయి అమెరికా పర్యటన సందర్భంగా అక్కడకు వచ్చే పాక్ అధ్యక్షుడు ముషారఫ్ తో చర్చలు జరిపేదీ లేనిదీ ఇంకా తేలలేదు.
వాజ్పేయి బుష్ ల మధ్య ఉగ్రవాదం, కాశ్మీర్ అంశాలు ప్రధానంగా చర్చకు వచ్చే అవకాశాలున్నాయి. కాశ్మీర్అంశంపై భారత్ - పాక్ ల మధ్య ఉద్రిక్తత పెరిగిపోవడం, ఆఫ్ఘనిస్తాన్ పై అమెరికా యుద్ధం నేపధ్యంలో వాజ్పేయి - బుష్ చర్చలు ప్రాధాన్యం సంతరించుకున్నాయి. వాజ్పేయి ఆ తరువాత బ్రిటన్ లో పర్యటిస్తారు.
Comments
Story first published: Thursday, November 1, 2001, 23:53 [IST]