రైల్వే స్టేషన్‌పేల్చేసిన పీపుల్స్‌ వార్‌

అనంతపురంః అనంతపురం జిల్లాలో పుట్టపర్తి- ధర్మవరం లైన్‌ లో వున్న ఘటంపల్లి రైల్వే స్టేషన్‌ ను పీపుల్స్‌ వార్‌ నక్సలైట్లు గురువారం వేకువజామున పేల్చివేశారు. నూతనంగా నిర్మించిన పుట్టపర్తి-థర్మవరం లైన్‌ లో బుధవారం సాయంత్రమే ఈ రైల్వే స్టేషన్‌ ను ప్రారంభించారు. ప్రారంభించిన మరుసటి రోజే ఈ రైల్వే స్టేషన్‌ నక్సలైట్లు ఆగ్రహ జ్వాలల్లో భస్మం కావడం గమనార్హం.

కనీసం పదిమంది పీపుల్స్‌ వార్‌ నక్సలైట్లు ఈ రైల్వే స్టేషన్‌ భవనాన్ని శక్తివంతమైన బాంబులతో పేల్చి వేశారు. వేరు శనగ రైతుల్ని ఆదుకోవడంలో ప్రభుత్వం చూపుతున్న నిర్లక్ష్యానికి నిరసనగా రైల్వే స్టేషన్‌ ను పేల్చి వేస్తున్నట్లు పీపుల్స్‌ వార్‌ నక్సలైట్లు అక్కడ వదలి వెళ్ళన లేఖలో పేర్కొన్నారు.