అల్‌ఖైదా, తాలిబన్‌ నేతల అప్పగింత

ఇస్లామాబాద్‌ః అల్‌ఖైదాకు చెందిన అగ్రనేత ఇబన్‌ అల్‌ షైఖ్‌ అల్‌ లిబిని అమెరికాకు అప్పగించడానికి పాకిస్తాన్‌ అంగీకరించింది. అఎ్ఘానిస్తాన్‌లోని అల్‌ఖైదా తీవ్రవాద శిక్షణ శిబిరాలకు అధిపతిగా వ్యవహరించిన లిబిని కొద్దిరోజుల క్రితమే పాకిస్తాన్‌లో అదుపులోకి తీసుకున్నారు.

లిబితో పాటు మొన్నటివరకు తాలిబన్‌ ప్రభుత్వం తరఫున పాకిస్తాన్‌లో రాయబారిగా వున్న జయీఫ్‌ను కూడా బంధించి అమెరికాకు అప్పగించడానికి పాకిస్తాన్‌ నేతలు ఒప్పుకున్నారు. పాకిస్తాన్‌లో తాలిబన్‌ అగ్రనేత ముల్లా ఒమర్‌ రాయబారిగా వుంటూ జయీఫ్‌ బాహ్య ప్రపంచానికి తాలిబన్ల అభిప్రాయాలను ఎప్పటికప్పుడు వెల్లడించడంలో కీలక పాత్ర వహించారు. పాకిస్తాన్‌లో రాజకీయాశ్రయం కోసం జయీఫ్‌

చేసిన ప్రయత్నాలు విఫలం కావడంతో పాకిస్తాన్‌ ప్రభుత్వం ఆయన్ను బంధించింది.