అయోధ్యపై బిజెపి మారలేదు

న్యూఢిల్లీః అయోధ్యలో రామాలయ నిర్మాణానికి సంబంధించి తాము పాతవైఖరికే కట్టుబడి వున్నామని బిజెపి నేత కుశభావ్‌ థాక్రే స్పష్టం చేశారు. ఉత్తరప్రదేశ్‌ ఎన్నికల నేపథ్యంలో అయోధ్య రామాలయం నిర్మాణాన్ని బిజెపి అటకెక్కించిందనే విమర్శను ఆయన కొట్టివేశారు.

చర్చల ద్వారా లేక కోర్టు ద్వారా అయోధ్య సమస్యను సామరస్యంగా పరిష్కరించుకోవడం బిజెపి అభిమతమని ఆయన చెప్పారు. ఉత్తరప్రదేశ్‌అసెంబ్లీ ఎన్నికల సందర్భంగా విడుదల చేసిన పార్టీ మానిఫెస్టోలో అయోధ్యఅంశం ఆఖరు పేజీలో చేర్చడం వెనక ఎలాంటి ఉద్దేశ్యాలు లేవని ఆయన స్పష్టం చేశారు. మానిఫెస్టో రూపకల్పనలో ఆయన కీలక పాత్ర పోషించారు. అయోధ్యలో ఏనాటికైనా రాముని మంచి మందిరాన్ని నిర్మించాలన్నదే తమ లక్ష్యమని ఆయన వెల్లడించారు.