మళ్ళీ కరెంట్‌ షాక్‌ సహించంఃబిజెపి

హైదరాబాద్‌ః అధికార తెలుగుదేశం పార్టీకి మిత్రపక్షమైన భారతీయ జనతాపార్టీవిద్యుత్‌ చార్జీలను మళ్ళీ పెంచితే సహించేది లేదని ప్రకటించింది. త్వరలో మరో 10 శాతం పాటువిద్యుత్‌ చార్జీలను పెంచాలని చంద్రబాబు నాయుడు ప్రభుత్వం యోచిస్తున్నది. ఈ ప్రతిపాదనను తెలుగుదేశం పార్టీ మిత్రపక్షమైన బిజెపి శుక్రవారం జరిగిన పదాధికారుల సమావేశంలో తీవ్రంగా నిరసించింది.

ప్రభుత్వం ధరలనుపెంచే ప్రతిపాదనను విరమించుకోవాలని ఈ అంశంపై త్వరలో జరిగే పార్టీ రాష్ట్ర స్థాయి సమావేశంలో భవిష్యత్‌ కార్యాచరణను రూపొందిస్తామని పార్టీ రాష్ట్ర శాఖ అధ్యక్షుడు చిలకం రామచంద్రా రెడ్డి ప్రకటించారు. రాష్ట్రంలోని మున్సిపాలిటీల పరిధిలో ఆస్తిపన్నును అనూహ్యంగా పెంచడాన్ని కూడా బిజెపి వ్యతిరేకించడంవిశేషం.