పూజకు అనుమతిపై నిరసనవెల్లువ

న్యూఢిల్లీః అయోధ్యలో మార్చి 15 నాడు లాంఛనంగా పూజ నిర్వహించేందుకువిశ్వహిందూ పరిషత్‌ కు వాజ్‌ పేయి ప్రభుత్వం అనుమతి ఇవ్వడం పట్ల అన్ని రాజకీయ పార్టీలు తీవ్ర నిరసన వ్యక్తం చేస్తున్నాయి. వి.హెచ్‌.పి.కి సూదిమొన దూరే సందిస్తేవివాదాస్పద స్థలంలో కూడా వారు ఆలయం నిర్మిస్తారని, అప్పడు సారీ చెప్పడంమినహా వాజ్‌ పేయి ప్రభుత్వం ఏమీ చేయలేనే విమర్శలు వెల్లువెత్తుతున్నాయి. బీహార్‌ మాజీ ముఖ్యమంత్రి, ఆర్జేడి అధినేత లాలూ ప్రసాద్‌ యాదవ్‌ లాంఛనప్రాయంగా పూజ చేసుకొనేందుకు అనుమతి ఇవ్వడం పట్ల మండిపడ్డారు.

వి.హెచ్‌.పి.తో చేతులు కలిపిన వాజ్‌పేయి ప్రభుత్వాన్ని సస్పెండ్‌ చేయాల్సిందిగా ఆయన రాష్ట్రపతికె.ఆర్‌. నారాయణన్‌ ను కోరారు. కాంగ్రెస్‌ పార్టీ కూడా లాంఛన ప్రాయంగా పూజకు అనుమతించడం పట్ల ఆగ్రహం వ్యక్తం చేసింది. రాజ్యాంగ పరిధిలో అయోధ్యవివాదనికి పరిష్కారం కనుగొనాలి కానీ ఇలా లోపాయకారీ వ్యవహారాల వల్ల కొంపలు మునిగిపోయే ప్రమాదం వున్నదని కాంగ్రెస్‌ ఆందోళన వ్యక్తం చేసింది.

మొత్తం మీద అయోధ్యలోని వివాదరహిత స్థలంలో మార్చి 15న లాంఛనప్రాయంగా పూజ చేసేందుకు అనుమతించడంపెను వివాదానికి దారితీసే ప్రమాదం వుంది.