నెవర్ బిఫోర్ హారర్ థ్రిల్లర్.. ప్రశాంత్ నీల్ సమర్పణలో.. ఆ రోజు నుంచే థియేటర్లలోకి

పాన్ ఇండియా సెన్సేషనల్ డైరెక్టర్ ప్రశాంత్ నీల్ సమర్పణలో వస్తున్న హారర్ సినిమా '418' ఎట్టకేలకు సెన్సార్ బోర్డు అడ్డంకులను అధిగమించింది. ఈ సినిమాలో హారర్ సీన్లు అధికంగా ఉన్నాయంటూ సెంట్రల్ బోర్డ్ ఆఫ్ ఫిల్మ్ సర్టిఫికేషన్ అభ్యంతరం తెలపింది. దాంతో చిత్ర మేకర్స్ రివైజింగ్ కమిటీని ఆశ్రయించిన సంగతి తెలిసిందే. అయితే రివైజింగ్ కమిటీ ఈ చిత్రానికి ఏ సర్టిఫికెట్ ను జారీ చేసింది. అంటే ఈ మూవీని 18 సంవత్సరాలు పై బడిన వారు మాత్రమే చూసే అవకాశం ఉంది. అందుకు కారణం 418 సినిమాలో అధికంగా హార్రర్ సీన్స్ ఉండటమే. ఇక ఈ చిత్రాన్ని సెప్టెంబర్ 18న విడుదల చేయనున్నట్లు మేకర్స్ ప్రకటించారు. కీర్తన్ నందగౌడ ఈ చిత్రానికి దర్శకత్వం వహిస్తున్నారు. ఈ చిత్రాన్ని మైత్రి మూవీ మేకర్స్ నిర్మించింది.

418 మూవీలో సూర్య రాజ్, చరణ్ లక్కరాజు, ప్రీతీ పగడాల కీలక పాత్రల్లో నటించారు. ప్రశాంత్ నీల్ వద్ద అసిస్టెంట్ డైరెక్టర్ గా పని చేసిన కీర్తన్ నందగౌడ ఇప్పుడు ఈ సినిమాతో తొలిసారిగా దర్శకుడిగా ఇండస్ట్రీకి పరిచయం కాబోతున్నాడు. ప్రశాంత్ నీల్ టీమ్ నుంచి రాబోతున్న దర్శకుడు కావడంతో సినిమాపై అంచనాలు భారీగానే ఉన్నాయి. అంతేకాక ఓ హారర్ సినిమాలో హారర్ సీన్స్ ఎక్కువగా ఉన్నాయని సెన్సార్ బోర్డు ఈ సినిమాకు సర్టిఫికెట్ ఇచ్చేందుకు నిరాకరించడం కూడా ఇప్పుడు సినిమాపై సోషల్ మీడియాలో విపరీతమైన బజ్ ను క్రియేట్ చేసింది. హారర్ సినిమాలో హారర్ సీన్స్ కాకుండా మరి ఏం ఉంటాయని నెటిజన్లు ట్రోల్ చేస్తున్నారు. మరి సినిమా రిలీజ్ అయ్యాక ఈ మూవీ ఏమాత్రం ప్రేక్షకుల్ని భయపెడుతుందో చూడాలని నెటిజన్లు మాట్లాడుకుంటున్నారు.

ఇక ప్రశాంత్ నీల్ కేజీఎఫ్, కేజీఎఫ్ చిత్రాలతో పాన్ ఇండియా రేంజ్ లో గుర్తింపు తెచ్చుకున్నారు. ఆ తర్వాత పాన్ ఇండియా స్టార్ ప్రభాస్ తో సలార్ అనే మూవీ చేశారు. ఇప్పుడు ఎన్టీఆర్ తో డ్రాగన్ మూవీ చేస్తున్నారు. ఈ మూవీ తర్వాత సలార్ 2, కేజీఎఫ్ 3 చిత్రాలు ప్రశాంత్ నీల్ చేయాల్సి ఉంది. మరి ప్రశాంత్ నీల్ సమర్పణలో వస్తున్న 418 మూవీ సెప్టెంబర్ 18 న ఏమాత్రం ప్రేక్షకులను అలరిస్తుందో చూడాలి.