ధాన్యం సేకరణపైఅసెంబ్లీ తీర్మానం

హైదరాబాద్‌ః ధాన్యం, బియ్యంసేకరణ బాధ్యతను ఇకపై రాష్ట్రలకే అప్పగిస్తూ కేంద్రప్రభుత్వం తీసుకున్న నిర్ణయంపై ఆంధ్రప్రదేశ్‌ శాసనసభ శనివారం ఆందోళన వ్యక్తం చేసింది. ధాన్యం, బియ్యంసేకరణ బాధ్యత గతంలో మాదిరిగానే ఫుడ్‌ కార్పొరేషన్‌ ఆఫ్‌ ఇండియాకే అప్పగించాలని కోరుతూ ఆంధ్రపదేశ్‌ అసెంబ్లీ శనివారం కేంద్రాన్ని కోరుతూ ఓ తీర్మానాన్ని ఆమోదించింది. అన్ని పార్టీలు ఈ తీర్మానానికి సంపూర్ణ మద్దతు ప్రకటించడంవిశేషం.

ఎఫ్‌.సి.ఐ. ఆధ్యర్యంలో ధాన్యం, బియ్యంసేకరణ చేస్తుంటేనే పరిస్థితి అంతంత మాత్రంగా వున్నదని, ఆ భారం రాష్ట్రాలమీద పెడితే రైతుల ప్రయోజనాలు మరింత దెబ్బతింటాయని అన్ని పార్టీల నేతలు ఆవేదన వ్యక్తం చేశారు. గతంలో మాదిరిగానే ఎఫ్‌.సి.ఐ. ఆధ్వర్యంలోనే ధాన్యం, బియ్యంసేకరణ జరగాలంటూ అన్ని పార్టీలు తీర్మానం చేపట్టాయి. అయితే బిజెపి ఇందుకు అభ్యంతరం తెలిపింది. నచ్చచెబితే కేంద్రంవింటుందని, అసెంబ్లీ తీర్మానం చేయాల్సిన అవసరం లేదని అభిప్రాయపడింది. బిజెపి సూచనమేరకు కొన్ని సవరణలతో ఈ తీర్మానాన్నిఅసెంబ్లీ ఏకగ్రీవంగా ఆమోదించింది.