అశోక్‌ సింఘాల్‌ నిరశన

అయోధ్యః అయోధ్య నుంచి భద్రతా దళాలను ఉపసహరించాలని రామసేవకుల కదలికలపై విధించిన ఆంక్షలను ఎత్తివేయాలని డిమాండ్‌ చేస్తూ విహెచ్‌పి నేత అశోక్‌ సింఘాల్‌ అయోధ్యలోని కరసేవకపురంలో ఆదివారం నుంచి నిరవధిక నిరాహార దీక్ష ప్రారంభిస్తున్నట్టుగా ప్రకటించారు.

ఇదే అంశంపై ఇప్పటికే బిజెపి ఎమ్‌ఎల్‌ఎ లాల్లూ సింగ్‌ నిరశన ప్రారంభించారు. పవిత్ర క్షేత్రానికి శాంతియుతంగా వచ్చే భక్తుల వల్ల శాంతి భద్రతలకు విఘాతం కలుగుతుందని ప్రభుత్వం ఏవిధంగా భావిస్తుందని ఆయన ప్రకటించారు. అయోధ్య సమస్యకు కోర్టులు పరిష్కారం కనుక్కోలేవని పార్లమెంటే ఇందుకు నడుం కట్టాలనివిశ్వహిందూ పరిషత్‌ నేతలు అన్నారు. రాజకీయ సిద్ధాంతాలను పక్కనబెట్టివిశాలదృక్ఫథంతో అన్ని పక్షాలు ఈ సమస్య పరిష్కారం కోసం ఆలోచించాలని విహెచ్‌పి నేతలు అభిప్రాయపడ్డారు.