నీటి పన్నులుపెంచం: శ్రీహరి

హైదరాబాద్‌: మంచినీటి పన్నును గానీ, సాగు నీటి తీరువాను గానీపెంచబోమని భారీ నీటి పారుదల శాఖ మంత్రి కడియం శ్రీహరి హామీ ఇచ్చారు. సిపిఎం సభ్యుడు నోముల నరసింహయ్య చేసినవిమర్శలకు ఆయన మంగళవారం శాసనసభలో సమాధానమిస్తూ ఆ హామీ ఇచ్చారు.

రివ్యూ కమిటీ సూచనలుఅందక ముందు పన్నులు పెంచుతామా, లేదా అనేవిషయం చెప్పలేనని, ఈ కమిటీ సూచనలు అందిన తర్వాతనే ఏమైనా చెప్పగలనని మంత్రి అన్నారు. దీనికి నోముల నరసింహయ్య తీవ్ర నిరసన వ్యక్తం చేశారు. ప్రపంచ బ్యాంక్‌తో కుదుర్చుకున్న ఒప్పందం మేరకు మార్చి నెలాఖరు లోగా సాగు నీటి తీరువాను ప్రభుత్వంపెంచబోతోందని ఆయన విమర్శించారు. రైతులను ప్రభుత్వం మోసం చేస్తోందని ఆయన అన్నారు.

ప్రపంచ బ్యాంక్‌ నిధులతో నీటి పారుదల సౌకర్యాలు పెంచడానికి కృషి చేస్తున్నామని, తాము రైతులను మోసం చేయడం లేదని మంత్రి శ్రీహరి అన్నారు.