సింఘాల్‌ ఆమరణ దీక్షవిరమణ

అయోధ్య: విశ్వ హిందూ పరిషత్‌ (విహెచ్‌పి) అంతర్జాతీయ కార్యనిర్వాహక అధ్యక్షుడుఅశోక్‌ సింఘాల్‌ సోమవారం రాత్రి ఆమరణ నిరాహార దీక్షనువిరమించారు. అయోధ్యకు తరలి వచ్చిన రామసేవకులకు భద్రత కల్పించాలని, వారు తమ తమ ప్రాంతాలకు క్షేమంగా తిరిగి వెళ్లడానికి రక్షణ కల్పించాలని డిమాండ్‌ చేస్తూ ఆయన ఆదివారం దీక్ష ప్రారంభించారు.

రామసేవకులపై ఆంక్షలు ఎత్తివేయడంతో పాటు అయోధ్యను సందర్శించే రామసేవకులకు రక్షణ కల్పిస్తామని ఉత్తరప్రదేశ్‌ మాజీ ముఖ్యమంత్రి రాజ్‌నాథ్‌ సింగ్‌ హామీ ఇవ్వడంతో సింఘాల్‌ దీక్షవిరమించారు. కరసేవక్‌పురంలో దీక్షకు కూర్చున్న సింఘాల్‌కు వ్యవసాయ శాఖ సహాయ మంత్రి హుకుందేవ్‌ నారాయణ్‌ యాదవ్‌ సమక్షంలో రామజన్మభూమి న్యాస్‌ అధ్యక్షుడు రామచంద్రదాస్‌ పరమహంస గ్లాసులో పళ్ల రసంఅందించారని, మంగళవారం నుంచి అయోధ్యకురైళ్లరాకపోకలు ప్రారంభమవుతాయని విహెచ్‌పి వర్గాలు చెప్పాయి.