పిహెచ్‌సిల తీరుపైఅసెంబ్లీలో ఆందోళన

హైదరాబాద్‌: రాష్ట్రంలోని ప్రాథమిక ఆరోగ్య కేంద్రాల(పిహెచ్‌సిల) పనితీరుపై అధికార, ప్రతిపక్ష సభ్యులు బుధవారం శాసనసభలో తీవ్ర ఆందోళన వ్యక్తం చేశారు. చాలా కేంద్రాలకు భవనాలు లేవని వారు ప్రభుత్వ దృష్టికి తెచ్చారు.

పిహెచ్‌సిలలో మందుల కొరత తీవ్రంగా ఉన్నదని, సిబ్బంది కొరత కూడా ఉన్నదని వారు చెప్పారు. రక్తపరీక్షలకు, రోగ నిర్ధారణ పరీక్షలకు ప్రజలను ప్రయివేట్‌ ఆస్పత్రులకు పంపుతున్నారని వారు తెలియజేశారు.పిహెచ్‌సిలలో మందులు దుర్వినియోగం అవుతున్నాయని కాంగ్రెస్‌ సభ్యుడు డి. నాగేందర్‌ అన్నారు.

తాము పది లైఫ్‌ సేవింగ్‌ డ్రగ్స్‌ను గుర్తించిపిహెచ్‌సిలకు పంపుతున్నామని, పిహెచ్‌సిలు సమర్థంగా పని చేయడానికి తగిన చర్యలు తీసుకుంటామని వైద్య ఆరోగ్య శాఖ మంత్రి డాక్టర్‌ నాగం జనార్దన్‌ రెడ్డి చెప్పారు.