యుపి సిఎం మాయావతే: కాన్షీరాం

భోపాల్‌: బహుజన సమాజ్‌ పార్టీ నాయకురాలు మాయావతి ఉత్తరప్రదేశ్‌ ముఖ్యమంత్రి అవుతారని, లేని పక్షంలో శాసనసభ ఎన్నికలు వస్తాయని ఆ పార్టీ అధ్యక్షుడు కాన్షీరాం అన్నారు.

మాయావతిని ముఖ్యమంత్రిగా అంగీకరించడానికి అన్ని పార్టీలు సిద్ధపడాలని ఆయన బుధవారం ఒక బహిరంగ సభలో అన్నారు.అందుకు సిద్ధపడకపోతే తాజా ఎన్నికలను ఎదుర్కోవాలని ఆయన అన్ని రాజకీయ పార్టీలను ఉద్దేశించి అన్నారు. మరోసారి

ఎన్నికలకు తమ పార్టీ సిద్ధంగా వున్నదని ఆయన చెప్పారు. కాంగ్రెస్‌ ఓట్ల వాటా 1985లో 48 శాతం కాగా ప్రస్తుతం ఎనిమిది శాతానికి పడిపోయిందని, తమ ఓట్ల శాతం గత 17 ఏళ్లలో 2.4 నుంచి 21కిపెరిగిందని ఆయన అన్నారు.