పొటాపై పాక్‌ విమర్శలపై భారత్‌ ధ్వజం

న్యూఢిల్లీ: భారత పార్లమెంటు ఉగ్రవాద నిరోధక బిల్లును(పొటాను) అమోదించడాన్ని పాకిస్థాన్‌ ఆక్షేపించడాన్ని భారత్‌ తీవ్రంగావిమర్శించింది. పాకిస్థాన్‌ది భారత ఆంతరంగిక వ్యవహారాల్లో అవాంఛనీయమైన జోక్యమని విదేశీ వ్యవహారాల మంత్రిత్వ శాఖ అధికార ప్రతినిధి నిరుపమా రావు గురువారంవిలేకరుల సమావేశంలో అన్నారు.

బిల్లు ఆమోదమనేది భారత ఆంతరంగిక వ్యవహారమైనందున దానిపై మాట్లాడే అర్హత పాకిస్థాన్‌కు లేదని ఆమె అన్నారు. తాను ప్రోత్సహిస్తున్న ఉగ్రవాదాన్ని, ఉగ్రవాద గ్రూప్‌లను మరింత సమర్థంగా భారత్‌ అణచివేస్తుందనే ఉద్దేశంతో పాకిస్థాన్‌ ఈవిమర్శలు చేస్తోందా అని ఆమె ప్రశ్నించారు.