నేను బలపడుతానని భారత్‌కు భయం

ఇస్లామాబాద్‌: ఈ నెల 30వ తేదీన జరిగే ప్రజాభిప్రాయసేకరణ ద్వారా తన బలం ఇనుమడిస్తుందని, ఆ భయం భారత్‌కు పట్టుకున్నదని పాకిస్థాన్‌ అధ్యక్షుడుపర్వేజ్‌ ముషారఫ్‌ అన్నారు. సైనిక బలగాలను ఉపసంహరించడం ద్వారా సరిహద్దు వెంబడి ఉద్రిక్తతలను నివారించాల్సింది భారతేనని ఆయన అన్నారు.

న్యూస్‌ అనే పత్రికకు ఆయన ఇంటర్వ్యూ ఇచ్చారు. ఈ ఇంటర్వ్యూను ఆ పత్రిక శనివారం ప్రచురించింది. తన బలపడుతున్నాననే భయంతోనే భారత్‌ తనపై దుష్ప్రచారం చేస్తోందని ఆయనవిమర్శించారు. అమెరికా పాకిస్థాన్‌, భారత్‌లతో దౌత్య స్థాయిలోనే ప్రతిస్పందిస్తోందని, హెచ్చరికలు గానీ, బెదిరింపులు గానీ చేయడం లేదని ఆయన అన్నారు.