పాక్‌లో ఇస్లామి నేతఅరెస్టు

లాహోర్‌: పాకిస్థాన్‌ ప్రధాన మత ఛాందస పార్టీ నాయకుడిని ఆదివారంఅరెస్టు చేశారు. పర్వేజ్‌ ముషారఫ్‌ ప్రజాభిప్రాయసేకరణ సందర్భంగా ఊరేగింపు నిర్వహించడానికి ప్రయత్నించినప్పుడు ఈఅరెస్టు జరిగింది.

వందలాది జమాత్‌-ఇ- ఇస్లామి కార్యకర్తలతో ఊరేగింపు నిర్వహించడానికి లాహోర్‌లోని తన కార్యాలయం నుంచి బయటకు వచ్చిన వెంటనే ఖాజీ హుస్సెన్‌ అహ్మద్‌ను పోలీసులు చుట్టుముట్టి వ్యాన్‌లో ఎక్కించుకుని తీసికెళ్లారు.

తన అరెస్టే ముషారఫ్‌ అపజయాన్ని చూపిస్తోందని ఆయన తననుఅరెస్టు చేసినప్పుడు అన్నారు. శాంతియుతంగా అక్కడి నుంచి తొలగిపోవాలని, తమ పోరాటం పోలీసులకు వ్యతిరేకంగా కాదని, అధికారం చెలాయిస్తున్నవారిమీద మాత్రమేనని ఆయన గుంపును ఉద్దేశించి అన్నారు. ముషారఫ్‌ తలపెట్టిన ప్రజాభిప్రాయసేకరణను జమాత్‌ ఇప్పటికే సుప్రీంకోర్టులో సవాల్‌ చేసింది.