గుజరాత్‌లో ప్రార్థనాలయం దగ్ధం

అహ్మదాబాద్‌: గుజరాత్‌లోని సర్దార్‌పూర్‌ గ్రామంలో బుధవారంనాడు ఒక ప్రార్థనాలయాన్ని దుండగులు దగ్ధం చేశారు. దీంతో ఆ ప్రాంతంలో తీవ్ర ఉద్రిక్తత చోటు చేసుకుంది.

అహ్మదాబాద్‌ నగరంలో రాళ్లు రువ్వుకోవడం, కత్తిపోట్ల వంటి సంఘటనలు కొనసాగాయి. అయితే మొత్తంగా చూసినప్పుడు పరిస్థితి అదుపులోనే వుంది. కగడ్‌పీఠ్‌, దని లిండా, హవేలీ, కలుపూర్‌,షాపూర్‌, కరంజ్‌, వేజల్పూర్‌ పోలీసు స్టేషన్ల పరిధుల్లో పగటి పూట కర్ఫ్యూను సడలించినట్లు పోలీసులు తెలిపారు. ఈ పోలీసుస్టేషన్ల పరిధుల్లో రాత్రి పూట కర్ఫ్యూ అమల్లో వుంటుంది. అహ్మదాబాద్‌ రూరల్‌ జిల్లాలోని సర్ఖేజ్‌,వీరంగామ్‌ ప్రాంతాల్లో కూడా రాత్రి పూట కర్ఫ్యూ అమల్లో వుంది.

వాహనాల తనిఖీ సందర్భంగా అహ్మదాబాద్‌ నగర పోలీసులు ఆయుధాలనుస్వాధీనం చేసుకుని కొంత మందిని అదుపులోకి తీసుకున్నారు.అరెస్టయినవారిలో హత్యలతో ప్రమేయం ఉన్నట్లు ఎఫ్‌ఐఆర్‌లో చోటు చేసుకున్న వ్యక్తులున్నట్లు పోలీసులు తెలిపారు.

తెలుగు మ్యాట్రిమోనిలో మీకు నచ్చిన జీవిత భాగస్వామి ఎంపికలు - రిజిస్ట్రేషన్ ఉచితం!