• search
  • Live TV
వేగవంతమైన అలర్ట్స్ కోసం
వెంటనే సబ్‌స్క్రైబ్ చేసుకోండి  
వేగవంతమైన అలర్ట్స్ కోసం
నోటిఫికేషన్స్ పై క్లిక్ చేయండి  
For Daily Alerts

అవసరమైతేపాక్‌పై ఎదురు దాడి: భారత్‌

By Staff
|
Google Oneindia TeluguNews

న్యూఢిల్లీ: సీమాంతర ఉగ్రవాదాన్ని అణచివేయడానికి అవసరమైతే పాకిస్థాన్‌పై ఎదురుదాడికి దిగడానికి కూడా సంసిద్ధత వ్యక్తం చేస్తూ శుక్రవారం లోక్‌సభ తీర్మానం చేసింది. జమ్మూలో ఈ నెల 14వ తేదీన జరిగిన తీవ్రవాద దాడి నేపథ్యంలో సీమాంతర ప్రేరేపిత ఉగ్రవాదంపై దాదాపు ఏడు గంటల చర్చ అనంతరం లోక్‌సభ ఆ తీర్మానం చేసింది. రాజ్యసభ కూడా ఇదేరకమైన తీర్మానం చేసింది.

పాకిస్థాన్‌ ప్రేరేపిత ఉగ్రవాదాన్ని తిప్పికొట్టేందుకు నిర్ణయాత్మక వ్యూహాన్ని ఖరారు చేసే ముందు అన్ని ప్రత్యామ్నాలనూ పరిశీలిస్తామని హోం మంత్రి ఎల్‌.కె. అద్వానీ చెప్పారు. కలుచక్‌ దాడి నేపథ్యంలో సీమాంతర ప్రేరేపిత ఉగ్రవాదంపై లోక్‌సభలో జరిగిన చర్చకు ఆయన సమాధానమిచ్చారు.

నిర్దిష్టమైన వ్యూహాన్ని ప్రకటించడానికి లోక్‌సభసరైన వేదిక కాదని, నిర్ణయాత్మక వ్యూహ రూపకల్పనకు నేటి చర్చ ఎంతో ఉపయోగకరంగా వున్నదని ఆయన అన్నారు. అంతర్జాతీయ ఉగ్రవాద వ్యతిరేక పోరులో కీలక భాగస్వామిగా చేర్చుకోవడం ద్వారా వాషింగ్టన్‌ పాకిస్థాన్‌కు ప్రోత్సాహాన్నిఅందివ్వడం పట్ల అద్వానీ అసంతృప్తి వ్యక్తం చేశారు.

సీమాంతర ఉగ్రవాదంపై పోరులో మనం గెలిచి తీరుతామని ఆయన ధీమా వ్యక్తం చేశారు. తాము ఎవరిమీదా ఆధారపడబోమని చెప్పారు. నిర్ణయం తీసుకోవడానికి ముందు ప్రధాని అటల్‌బిహారీ వాజ్‌పేయి ప్రతిపక్ష నేతలతో సమావేశం ఏర్పాటు చేస్తారని ఆయన చెప్పారు.

న్యూస్ అప్ డేట్స్ వెంటనే పొందండి
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X