హైదరాబాద్‌: బంగాళాఖాతంలో ఏర్పడిన అల్పపీడనంఒరిస్సా, ఆంధ్రప్రదేశ్‌లోని ఉత్తర కోస్తా తీర ప్రాంతంలో కేంద్రీకృతమైంది. ఈ అల్పపీడనం వల్ల వచ్చే 36 గంటల్లో ఉత్తర కోస్తాలో, దక్షిణ కోస్తాలో వర్షాలు, ఉరుములతో కూడిన జల్లులు పడే అవకాశాలున్నాయి.

ఈ అల్పపీడనం వాయుగుండంగా మారే ప్రమాదం కూడా వుందని వాతావరణపరిశోధనా కార్యాలయం అధికారులు అంటున్నారు. నైరుతి రుతుపవనాలు ప్రవేశించే సమయంలో బంగాళాఖాతంలో అల్పపీడనం ఏర్పడడం మామూలేనని కూడా వారంటున్నారు.