ఆర్మీ క్యాంపుపై దాడి: ఒకరి మృతి

న్యూఢిల్లీ: భారత, పాక్‌ సరిహద్దుల వెంబడి ఇరు దేశాలసైనికుల మధ్య కాల్పులు కొనసాగుతూనే ఉన్నాయి. సరిహద్దు వెంబడి భారత్‌ పారామిలటరీ బలగాలను మోహరింపజేసింది.

జమ్మూ కాశ్మీర్‌లోని రాజౌరి జిల్లాలో ఒకసైనిక శిబిరంపై మిలిటెంట్లు దాడి చేశారు. ఈ దాడిలో ఒక సిఆర్‌పిఎఫ్‌ జవాను మృతి చెందాడు. ఇద్దరు గాయపడ్డారు. కాశ్మీర్‌ లోయలోని మరోసైనిక శిబిరంపై కూడా మిలిటెంట్లు దాడి చేసినట్లు సమాచారం. అయితే ఈవిషయాన్ని అధికారులు ధృవీకరించాల్సి వున్నది.

తమ సైనిక స్థావరాలపై దాడులను ఆపకపోతే ఎదురుదాడికి దిగుతుమాని భారత్‌ పాకిస్థాన్‌ను హెచ్చరించింది. భారత్‌ జరిపిన ఎదురు కాల్పుల్లో ఏడుగురు పాకిస్థాన్‌సైనికులు మరణించారు.