కాశ్మీర్‌ చేరుకున్న ప్రధాని

శ్రీనగర్‌: అసాధారణ భద్రత మధ్య ప్రధాని అటల్‌ బిహారీ వాజ్‌పేయి మంగళవారం ఇక్కడికి చేరుకున్నారు. రెండేళ్లలో ప్రధాని కాశ్మీర్‌ లోయలో పర్యటించడం ఇది రెండోసారి.

ఇక్కడికి చేరుకున్న అనంతరం ఆయన తీవ్రవాదులు దాడి చేసిన కలుచుక ప్రాంతాన్ని సందర్శించారు. తీవ్రవాదుల దాడిలో మరణించిన కుటుంబ సభ్యులను పరామర్శించారు.ఆయన హెలికాప్టర్‌లో కుప్వారా జిల్లాలోని సరిహద్దు ప్రాంతాలకు, ఇతర సరిహద్దు ప్రాంతాలకు వెళ్తారు. అక్కడ ఆయనసైనిక బలగాలను ఉద్దేశించి ప్రసంగిస్తారు.

శాసనసభ ఎన్నికలు జరుగనున్న నేపథ్యంలో ఆయన గవర్నర్‌ జి.సి.సక్సేనాతోనూ, ముఖ్యమంత్రి ఫరూఖ్‌ అబ్దుల్లాతోనూ మాట్లాడుతారు. కాంగ్రెస్‌, ఇతర ప్రధాన స్రవంతి రాజకీయ పార్టీల ప్రతినిధులను కూడా ఆయన కలుసుకుంటారు.హోం మంత్రి ఎల్‌.కె. అద్వానీ, రక్షణ మంత్రి జార్జి ఫెర్నాండెజ్‌ ఆయనను అనుసరిస్తారు. ఆర్మీ, పారామిలటరీ బలగాల, పోలీసు, కేంద్ర, రాష్ట్ర ఇంటలిజెన్స్‌ సంస్థల యూనిఫైడ్‌ సమవేశానికి ఈ నెల 23వ తేదీన ఆయన అధ్యక్షత వహిస్తారు.