భారత, పాక్‌ల మధ్యకాల్పులు

జమ్మూ: భారత, పాకిస్థాన్‌ బలగాల మధ్య శుక్రవారం నుంచి కాల్పులు జరుగుతూనే వున్నాయి. నియంత్రణ రేఖ వెంబడి, అంతర్జాతీయ సరిహద్దు వెంబడి ఇరు దేశాల బలగాల మధ్య కాల్పులు కొనసాగుతున్నాయి.

ఈ కాల్పుల్లో భారత్‌ వైపున ఎవరూ మరణించలేదు, ఏ విధమైన నష్టమూ వాటిల్లలేదు. పాకిస్థాన్‌ బలగాలు శనివారం ఉదయం రాజౌరీ జిల్లా జంగర్‌ ప్రాంతంలో కాల్పులకు దిగాయి. కొద్ది గంటల్లోనే తమ కాల్పులనుకేరి, శృంక్రి, లామ్‌ ప్రాంతాలకు విస్తరించాయి. ప్రతిగా భారత బలగాలు ఎదురు కాల్పులు జరిపాయి.

పాకిస్థాన్‌ బలగాలు కథువా జిల్లాలోని మంగుచక్‌, సాధేయ్‌చక్‌, దుల్మచక్‌, చెచ్వాల్‌, బొబియాన్‌, పన్సార్‌,పెన్యారి ప్రాంతాల్లో శుక్రవారం కాల్పులు జరిపాయి.