కస్టడీలో సిఐడి డిఎస్‌పి రమేష్‌కుమార్‌

హైదరాబాద్‌: సిఐడి పోలీసు డిప్యూటీ సూపరింటిండెంట్‌ (డిఎస్‌పి)సి. రమేష్‌కుమార్‌ను జ్యుడిషియల్‌ కస్టడీకి రిమాండ్‌ చేస్తూ తొమ్మిదవ మెట్రోపాలిటన్‌ మెజిస్ట్రేట్‌ ఎన్‌. ఆనందరావు సోమవారం ఆదేశాలు జారీ చేశారు. ఆంధ్రప్రదేశ్‌ పోలీసు అధికారుల సంఘం ప్రధాన కార్యదర్శిగా ఉన్నప్పుడు 30 లక్షల రూపాయల నిధుల అవకతవకలకు పాల్పడ్డారనే ఆరోపణపై దాఖలైన కేసులో రమేష్‌కుమార్‌ను జ్యుడిషియల్‌ కస్టడీకి రిమాండ్‌ చేశారు.

రమేష్‌కుమార్‌పై, మరో ఇద్దరిపై పోలీసు అధికారుల సంఘం క్రిమినల్‌ కేసులు దాఖలు చేసింది. నాన్‌ బెయిలెబుల్‌ వారంట్‌ జారీ కావడంతో రమేష్‌ కుమార్‌ సోమవారం తొమ్మిదవ మెట్రోపాలిటన్‌ మెజిస్ట్రేట్‌ ముందుహాజరయ్యారు. అనారోగ్యంగా ఉన్నందున తనకు బెయిల్‌ మంజూరు చేయాలని రమేష్‌కుమార్‌ కోర్టును అభ్యర్థించారు. ఆయన అభ్యర్థనను మెజిస్ట్రేట్‌ తిరస్కరించారు. ఆయననుజూన్‌ 11వ తేదీ వరకు జ్యుడియషియల్‌ కస్టడీకి రిమాండ్‌ చేస్తూ ఆదేశాలు జారీ చేశారు. దీంతోరమేష్‌కుమార్‌ను హైదరాబాద్‌లోని చంచలగుడా కేంద్ర కార్యాలయానికి తరలించారు. రమేష్‌కుమార్‌ ఇన్‌స్పెక్టర్‌ స్థాయి నుంచి డిఎస్‌పిగా ఇటీవలే పదోన్నతి పొందారు. ప్రమోట్‌ చేసి ఆయనను నేరుపరిశోధన విభాగం (సిఐడి)లో వేశారు.