బెంగుళూర్‌ఎక్స్‌ప్రెస్‌లో దోపిడీ

ధర్మవరం: బెంగుళూర్‌ నుంచి కాచిగూడా వెళ్తున్నఎక్స్‌ప్రెస్‌ రైళ్లో దుండగులు దోపిడీకి సోమవారం రాత్రి పాల్పడ్డారు. హిందూపురం, మలుగూరుస్టేషన్ల మధ్య దుండగులు రైలును ఆపి ప్రయాణికులను బెదిరించి ఏడు బోగీల్లో యధేచ్ఛగా దోపిడీకి పాల్పడ్డారు. దుండగులు లక్ష రూపాయలకుపైగా దోచుకుని పోయారు.

సోమవారం సాయంత్రం బెంగూళూర్‌ నుంచి బయలుదేరిన కాచిగూడాఎక్స్‌ప్రెస్‌ రాత్రి ఎనిమిది గంటల ప్రాంతంలో హిందూపురం చేరుకుంది. పథకం ప్రకారం కొందరు దుండగులు జనరల్‌ బోగీలో ఎక్కి మలుగూరు చేరుకుంటుండగా చైన్‌ లాగిరైలును ఆపారు. ముందు వేసుకున్న పథకం ప్రకారం 20 మంది దుండగులురైలు ఆగిఉన్న ప్రాంతానికి చేరుకుని రాళ్లతో బోగీలపై దాడి చేశారు. ఏడు బోగీలపై దాడి చేసి దోపిడీకి పాల్పడ్డారు. బోగీలకున్న కిటికీల నుంచే ప్రయాణికుల సూట్‌కేసులను, బంగారు ఆభరణాలను దోచుకుని పరారయ్యారు. ధర్మవరం డివిజన్‌లో ఇంతపెద్ద యెత్తున దోపిడీ జరగడం ఇదే తొలిసారి.