భారత్‌ చేతిలో అల్‌ఖైదామిలిటెంట్లు హతం

న్యూఢిల్లీః అల్‌ ఖైదా తీవ్రవాదులుగా భావిస్తున్న ఇద్దరిని భారతసేనలు ఆదివారం హతమార్చాయి. వాస్తవాధీన రేఖ సమీపంలో ద్రాస్‌సెక్టార్‌ లో అత్యంత అధునాతన ఆయుధాలతో చొరబాటుకు ప్రయత్నిస్తున్నవీరిద్దరినీ భారత సేనలు కాల్చి చంపాయి. వీరెవరైందీ ఇంకా స్పష్టం కానప్పటికీ ఇద్దరూఅరబ్బుల్లా కనిపిస్తున్నారని భారత సైనికదళ ఉన్నతాధికారులు చెప్పారు.

ఈ ఇద్దరు తీవ్రవాదులతో పాటు ఇద్దరు పాకిస్తాన్‌సైనికుల్ని కూడా భారత్‌ సేనలు కాల్చి చంపాయి. ద్రాస్‌, కార్గిల్‌సెక్టర్లతో పాటు సరిహద్దులోని వివిధ సెక్టార్లలో భారత్‌ - పాక్‌సేనల మధ్య నిరంతరాయంగా కాల్పులు జరుగుతునే వున్నాయి. భారత్‌సేనలపై కాల్పులు జరుపుతూ చొరబాటు దారులకు మార్గం సుగమం చేయాలన్నది పాక్‌ అభిమతంగా కనిపిస్తున్నది. సుమారు 1200 మంది తీవ్రవాదుల్ని భారత భూభాగంలోకి పంపేందుకు రంగం సిద్ధం అవుతున్నదని రక్షణ వర్గాలు అనుమానిస్తున్నాయి.