ఇంజనీరింగ్‌ కౌన్సెలింగ్‌ ప్రారంభం

హైదరాబాద్‌: ఇంజనీరింగ్‌కోర్సుల్లో ప్రవేశం కోసం శనివారం కౌన్సెలింగ్‌ ప్రారంభమైంది. సాంకేతిక విద్యామంత్రి దామోదర్‌ రెడ్డి హైదరాబాద్‌లోని జెఎన్‌టియులో కౌన్సెలింగ్‌ ప్రక్రియను శనివారం లాంఛనంగా ప్రారంభించారు.

రాష్ట్రంలోని ఐదు కేంద్రాల్లో ఆన్‌లైన్‌ ద్వారా కౌన్సెలింగ్‌ జరుగుతోంది. మరో 16 ఇంజనీరింగ్‌ కళాశాలల్లో బయో టెక్నాలజీకోర్సులను ప్రారంభించనున్నట్లు దామోదర్‌ రెడ్డి తెలిపారు. దీని వల్ల బయో టెక్నాలజీసీట్లు 600 పెరుగుతాయని ఆయన చెప్పారు. దాపరికం లేకుండా,అవకతవకలను తావు లేకుండా కౌన్సెలింగ్‌ నిర్వహిస్తామని ఆయన చెప్పారు.

ఈ కౌన్సెలింగ్‌ ఆగస్టు 15వ తేదీ వరకు జరుగుతుంది. రోజుకు రెండు వేల మందికి అడ్మిషన్లు ఇస్తారు. రాష్ట్రంలోని 215 కళాశాలల్లో ఉన్న 62 వేలకుపైగా సీట్లను ఈ కౌన్సెలింగ్‌ ద్వారా భర్తీ చేస్తారు.