నెల్లూరు ప్రమాదంలో ముగ్గురుమృతి

నెల్లూరుః నెల్లూరు జిల్లా బడుగుపాడు గ్రామం వద్ద బుధవారం ఉదయం జరిగిన రోడ్డు ప్రమాదంలో ముగ్గురు దుర్మరణం పాలయ్యారు. టమాటాల లోడ్‌ తో చిత్తూరు నుంచి వస్తున్న లారీని ఎదురుగా వస్తున్న మరో లారీ డీ కొనడంతో ఈ దుర్ఘటన జరిగింది.

జాతీయ రహదారిపై ఈ సంఘటన జరగడంతో చాలాసేపు ట్రాఫిక్‌ స్తంభించి పోయింది. ఈ ప్రమాదంలో రెండు లారీల డ్రైవర్లు, మరో ప్రయాణికుడు కూడా మరణించాడు. మితిమీరిన వేగంతో వస్తూ ఎదురెదురుగా డీ కొనడంతో ఈ దుర్ఘటన జరిగిందని భావిస్తున్నారు.