సోనియాకు బిజెపి సవాల్‌

న్యూఢిల్లీఃపెట్రోలు బంకుల వ్యవహారంపై ఇరకాటంలో పడిన బిజెపి ప్రతిపక్షాలపై మరింత మొండిగా ఎదురుదాడి చేస్తున్నది. సుప్రీంకోర్టు న్యాయమూర్తి చేతవిచారణ జరిపిస్తే తప్ప పార్లమెంటును సాగనివ్వమని ప్రతిపక్షాలు తేల్చి చెబుతున్నాయి. అయితే 1988 నుంచి జారీ చేసిన లైసెన్సులన్నింటినీ రద్దు చేయాలంటూ వందమంది బిజెపి ఎం.పిలు వాజ్‌పేయిని కోరారు. సత్తా వుంటే సోనియాగాంధీ అందుకు రెడీ కావాలని బిజెపి ఎంపిలు మొండివాదన ప్రారంభించారు.

ప్రధాని ఎంతో నిజాయితీగాపెట్రోలు బంకుల లైసెన్సులు రద్దు చేసి తాజాగా లైసెన్సులు జారీచేయమని ఆదేశిస్తే ప్రతిపక్షాలు ఓవర్‌ యాక్షన్‌ చేస్తున్నాయని బిజెపి భగ్గుమంది. అధికార ప్రతిపక్షాలు నువ్వు దొంగవంటే నువ్వే దొంగవంటూఒకరిపై ఒకరు బురదచల్లుకోవడం చూస్తే వారికి ఓటేసి గెలిపించిన ప్రజలకు నవ్వాలో ఏడవాలోఅర్థం కావడం లేదు.