పెట్రోస్కామ్‌ కేసులన్నీఒకే కోర్టుకు

న్యూఢిల్లీః పెట్రోల్‌ బంకులు, గ్యాస్‌ ఏజెన్సీలను రద్దు చేస్తూ కేంద్రం తీసుకున్న నిర్ణయానికి వ్యతిరేకంగా దాఖలైన పిటీషన్లన్నింటినీ ఒకే కోర్టులో విచారించేందుకు వీలుగా తగిన ఆదేశాలు జారీచేయాల్సిందిగా సుప్రీం కోర్టును ఆశ్రయించాలని కేంద్రం నిర్ణయించింది. కేంద్రం స్వయంగా ఈ మేరకు పిటిషన్‌ దాఖలు చేస్తుందా లేక పెట్రోలియం సంస్థలే దాఖలు చేస్తాయా అన్న విషయం మాత్రం తెలియలేదు.

పెట్రోల్‌ డీలర్‌షిప్‌ల రద్దుకు వ్యతిరేకంగా దేశవ్యాప్తంగా వివిధ కోర్టుల్లో పిటిషన్లు దాఖలవుతున్నాయి. ఇప్పటికే కేంద్రం ఆదేశాలపై రాజస్తాన్‌, ఢిల్లీ హైకోర్టులుస్టేజారీ చేశాయి. ఆంధ్రప్రదేశ్‌ హైకోర్టు కేంద్ర ప్రభుత్వానికి నోటీసులు జారీ చేసింది. వేరువేరు ప్రాంతాల్లో కేసులను ఎదుర్కోవడం కంటేవీటన్నింటిని ఢిల్లీ హైకోర్టుకు లేదా సుప్రీంకోర్టుకువిచారణకు బదిలీ చేయాలని అత్యున్నత న్యాయపీఠాన్ని అభ్యర్ధించాలని ప్రభుత్వం నిర్ణయించింది.