ఓ ఇంటివారైనరోజా-సెల్వమణి

తిరుపతిః తమిళ దర్శకుడుసెల్వమణితో అందాలనటి రోజా వివాహం బుధవారం వేకువజామున తిరుపతిలోఅంగరంగ వైభవంగా జరిగింది. సినీ రంగానికి చెందిన ప్రముఖులతో పాటు ఆంధ్రప్రదేశ్‌ ముఖ్యమంత్రి చంద్రబాబు నాయుడు ఈవివాహానికి హాజరయ్యారు. మంగళవారం రాత్రే తిరుమలకు చేరుకున్న చంద్రబాబు నాయుడు రోజా-సెల్వమణి దంపతులనుఆశ్వీర్వదించారు. ఐ.టి.మంత్రి బొజ్జల గోపాల కృష్ణారెడ్డి తదితరులు కూడా ఈవివాహానికి హాజరయ్యారు. తెలుగులో హీరోయిన్‌ గా రంగప్రవేశంచేసిన రోజా ఆ తరువాత తమిళ చిత్రాల్లో కూడా బిజీగా మారారు. రోజా నిర్మాతగా మారి నిర్మించిన చిత్రాలకు దర్శకత్వం వహించినసెల్వమణితో ఆమె ప్రేమలో పడ్డారు.

కొద్దికాలంగా ఆర్ధికపరమైన చిక్కుల్లో పడ్డ సమయంలోసెల్వమణి రోజాకు కొండంత అండగా వున్నారు. దీంతోవీరి ప్రేమ మరింత బలపడి పెళ్ళిగా మారింది. రోజా గతంలో తెలుగుదేశం పార్టీ తరపున ఎన్నికతల ప్రచారంలో పాల్గొన్నారు. చిత్తూరు జిల్లాకు చెందిన ఆడపడచు కావడంతో చంద్రబాబు నాయుడు రోజావివాహానికి హాజరయ్యారని భావిస్తున్నారు.