బాబు బృందం ఆర్ట్‌ ఆఫ్‌ లివింగ్‌

హైదరాబాద్‌ః ఆకస్మిక తనిఖీలు, ప్రజాసేవ,ఫైళ్ళతో నిరంతరం బిజీగా వుండే చంద్రబాబు నాయుడు, ఆయన మంత్రివర్గ సహచరులు, ఉన్నతాధికారులకు శనివారంస్పెషల్‌ డే. ఆర్ట్‌ ఆఫ్‌ లివింగ్‌ ద్వారా అంతర్జాతీయ ఖ్యాతి గడించిన రవిశంకర్‌ శనివారం చంద్రబాబు బృందంతో భేటీ అయ్యారు. దైనందిన జీవితంలో ఒత్తళ్ళ నుంచి ఎలా బయటపడాలి... యోగం, ధ్యానంవికాసానికి ఎలా తోడ్పడతాయి అనే అంశాలపై రవిశంకర్‌ చంద్రబాబు, మంత్రులతో ముచ్చటించారు.

శనివారం నాడు తెలుగుదేశం పార్టీ కార్యాలయాన్ని సందర్శించిన రవిశంకర్‌ చంద్రబాబు, మంత్రుల చేత కొద్దిసేపు ధ్యానం చేయించారు. ఈ సందర్భంగా ఆయన మాట్లాడుతూ భారతీయుల్లో ఆత్మగౌరవం లోపించడం వల్లే పలు సమస్యలు ఎదురౌతున్నాయన్నారు. ఎదుటి వారివిమర్శలను సరిగా అర్థం చేసుకోకపోవడం వల్లే ప్రతిఒక్కరు సమస్యలను ఎదుర్కొంటున్నారని,అసలు యావత్‌ మానవాళి నవ్వడం మరచిపోయిందని రవిశంకర్‌ అన్నారు.

ఒక రాజకీయ పార్టీ రవిశంకర్‌ వంటి ఆధ్యాత్మక గురువుల బోధలను వినడంఅరుదైన విషయం. రవిశంకర్‌ తో పాటు బ్రహ్మకుమారి సమాజంతో కూడా చంద్రబాబుకు మంచి సంబంధాలున్నవిషయంవిదితమే.