అంగీకారానికొచ్చిన కాంగ్రెస్‌, పిడిపి

న్యూఢిల్లీ: కాశ్మీర్‌ లో ప్రభుత్వం ఏర్పాటుకు దాదాపు మార్గం సుగమమైంది. శనివారం న్యూఢిల్లీలో పిడిపి నేత ముఫ్తీ మహమ్మద్‌ సయిద్‌, కాంగ్రెస్‌ నేతలు మన్మోహన్‌ సింగ్‌, అర్జున్‌ సింగ్‌ లు జరిపిన చర్చలు ఒక కొలిక్కి వచ్చాయి. కనీస ఉమ్మడి కార్యక్రమంపై ఇరుపక్షాలు ఒక ఒప్పందానికొచ్చినట్లు అర్జున్‌ సింగ్‌ విలేకరులకు చెప్పారు.

కాంగ్రెస్‌ సీనియర్‌ నేతలు అంబికా సోని, గులాంనబీ ఆజాద్‌ లు కూడా చర్చల్లో పాల్గొన్నారు. ఇరువురం ఒక అభిప్రాయానికి వచ్చాం. కనీస ఉమ్మడి కార్యక్రమంపై పూర్తిగా అంగీకారం కుదరిందని అర్జున్‌ సింగ్‌ తెలిపారు. ఈ రాత్రికి సోనియాగాంధీ ముఖ్యమంత్రి పదవి విషయం చర్చిస్తారని ఆయన చెప్పారు. ఆ తర్వాతే ప్రభుత్వ ఏర్పాటుకు ప్రయత్నిస్తామని అన్నారు.