వరంగల్‌ జిల్లాలో ఇద్దరు నక్సల్స్‌ హతం

వరంగల్‌: వరంగల్‌ జిల్లా ఏటూరు నాగారం అటవీ ప్రాంతంలో పోలీసులకు, నక్సలైట్లకు మధ్య బుధవారం సాయంత్రం ఎన్‌కౌంటర్‌ జరిగింది. ఈ ఎన్‌కౌంటర్‌లో ఇద్దరు నక్సలైట్లు మరణించారు. మంగంపేట మండలం కమలాపూర్‌ సమీపంలోని అటీవీ ప్రాంతంలో ఈ ఎన్‌కౌంటర్‌లో మృతి చెందారు. మరణించిన నక్సలైట్లను చంచు రవి, డబ్బా రమేష్‌లుగా పోలీసులు గుర్తించినట్లు సమాచారం. వీరిద్దరూ సిపియుయస్‌ఐకి చెందిన వారని తెలుస్తోంది. రవి సంపత్‌ దళానికి చెందిన కమాండర్‌ కాగా, రమేష్‌ దళ సభ్యుడని సమాచారం.