తెలంగాణ సొంత వ్యవహారం: మొయిలీ

న్యూఢిల్లీ: తెలంగాణపై ముఖ్యమంత్రి వైయస్ రాజశేఖర రెడ్డి సహా పార్టీ నాయకులందరూ సంయమనం పాటించాలని కాంగ్రెస్ ఆంధ్రప్రదేశ్ వ్యవహారాల ఇంచార్జీ వీరప్పమొయిలీ అన్నారు. నిజామాబాద్ కాంగ్రెస్ పార్లమెంటు సభ్యుడు మధుయాష్కీ గౌడ్ గురువారంనాడు వీరప్పమొయిలీని కలుసుకున్నారు. ఇరువురి మధ్య తెలంగాణ దుమారంపై చర్చ జరిగింది.

తెలంగాణ అంశం కాంగ్రెస్ సొంత వ్యవహారమని, ఈ సమస్యను తాము పరిష్కరించుకుంటామని వీరప్ప మొయిలీ అన్నారు. తెలంగాణ అంశం సోనియా మనసులో ఉందని ఆయన చెప్పారు. తెలంగాణ అంశంపై గత కొంతకాలంగా కాంగ్రెసు పార్టీలో దుమారం రేపుతోంది. తెలంగాణవాదాన్ని వినిపిస్తున్న కాంగ్రెస్ నాయకులపై రాష్ట్ర మంత్రులు తీవ్ర వ్యాఖ్యలు చేస్తున్నారు.