రాజశేఖర్ పై దాడి: ఆరుగురికి రిమాండ్

హైదరాబాద్: సినీ నటుడు రాజశేఖర్ పై దాడి కేసులో పోలీసులు ఆరుగురు నిందితులను శుక్రవారంనాడు కోర్టులో హాజరు పరిచారు. ఈ కేసులో 9 మంది లొంగిపోగా, వారిలో ముగ్గురికి కేసుతో సంబంధం లేదంటూ పోలీసులు వదిలేశారు. మిగతా ఆరుగురిని పోలీసులు నాంపల్లి 14వ అదనపు మెట్రోపాలిటన్ మెజిస్ట్రేట్ ముందు హాజరు పరిచారు.

ఆ ఆరుగురికి కోర్టు ఈ నెల 5వ తేదీ వరకు జ్యుడిష్యల్ రిమాండ్ విధించింది. దీంతో వారిని పోలీసులు హైదరాబాదులోని చంచల్ గుడా జైలుకు తరలించారు. రాజశేఖర్ పై దాడి కేసులో ప్రధాన సూత్రధారి పరారీలో ఉన్నాడు. చిరంజీవికి రాజకీయానుభవం లేదని, చిరంజీవి పార్టీ పెడితే తాను చేరబోనని రాజశేఖర్ పశ్చిమ గోదావరి జిల్లా భీమడోలులో అన్నారు. దీంతో చిరంజీవి అభిమానులు భీమడోలు నుంచి హైదరాబాదు వచ్చి ఇంటికి వెళ్తుండగా రాజశేఖర్ కారుపై దాడి చేశారు.