అసెంబ్లీ నుంచి కిషన్ రెడ్డి సస్పెన్షన్

హైదరాబాద్: భారతీయ జనతా పార్టీ (బిజెపి) శాసనసభా పక్ష నాయకుడు జి. కిషన్ రెడ్డిని స్పీకర్ కె.ఆర్. సురేష్ రెడ్డి శుక్రవారం ఒక రోజు పాటు శాసనసభ నుంచి సస్పెండ్ చేశారు. జై తెలంగాణ నినాదం రాసి ఉన్న ప్లకార్డును ప్రదర్శిస్తూ సభా కార్యక్రమాలను అడ్డుకోవడంతో కిషన్ రెడ్డిని స్పీకర్ సస్పెండ్ చేశారు.

తెలంగాణపై తక్షణ చర్చను చేపట్టాలని కోరుతూ కిషన్ రెడ్డి సభ సమావేశం కాగానే వాయిదా తీర్మానం ప్రతిపాదించారు. దాన్ని స్పీకర్ తిరస్కరించారు. అయినా కిషన్ రెడ్డి పట్టు వీడలేదు. ప్లకార్డు ప్రదర్శిస్తూ ఆందోళనకు దిగారు. దీంతో ఆయనను స్పీకర్ సభ నుంచి సస్పెండ్ చేశారు. అనంతరం ఆయన తెలంగాణ అమరవీరుల స్థూపం వద్ద నిరసన ప్రదర్శనకు దిగారు.