అకాల వర్షాలు: 300 కోట్ల పంట నష్టం

హైదరాబాద్: రాష్ట్రవ్యాప్తంగా పలు జిల్లాల్లో గత మూడు రోజులుగా పడుతున్న భారీ వర్షాలు మరోసారి రైతన్నకు కన్నీటిని మిగిల్చాయి. హైదరాబాద్, రంగారెడ్డి, కర్నూలు, నల్గొండ, వరంగల్, ప్రకాశం తదితర జిల్లాలో అకాల వర్షాల కారణంగా పెద్దఎత్తున పంటనష్టం జరిగింది. మూడు వందల కోట్ల రూపాయాలకుపైగా పంట నష్టం జరిగినట్లు అంచనా.

అంతేకాకుండా ఈ వర్షాలు ఏడుగురి ప్రాణాలు కూడా తీశాయి. కర్నూలు జిల్లాలో వేర్వేరు చోట్ల వర్షాల కారణంగా సంభవించిన ప్రమాదాల్లో ఐదుగురు మరణించగా, ప్రకాశం జిల్లాలో ఒకరు, హైదరాబాద్‌లో మరొకరు మృతి చెందారు. వర్షాలతో మిర్చి రైతులకు ఆపారనష్టం వాటిల్లింది. పసువు, వేరుసెనగ, మొక్కజొన్న, పొగాకు, కంది పంట రైతులు కూడా నష్టపోయారు.