తెలంగాణకు కాంగ్రెసే అడ్డంకి: గద్దర్

నల్గొండ: తెలంగాణ రాష్ట్రం ఏర్పడకుండా అడ్దుకుంటున్నది కాంగ్రెస్ పార్టీయేనని ప్రజా గాయకుడు గద్దర్ ఆరోపించారు. సోమవారం రాత్రి నల్గొండ జిల్లా భువనగిరిలో తెలంగాణ ఐక్య కార్యాచరణ కమిటీ,తెలంగాణ సాంస్కృతిక వేదిక ఆధ్వర్యంలో ఏర్పాటు చేసిన తెలంగాణ ఆత్మ గౌరవ సభలో ఆయన తన ఆటపాటల ద్వారా తెలంగాణలో జరుగుతున్న అన్యాయాన్ని వివరించారు.

తెలంగాణ రాష్ట్రం ఏర్పాటుకు ఇదే అదునైన సమయమని, 2009 లోగా తెలంగాణ ఏర్పాటు కాకపోతే భవిష్యత్తుల్లో తెలంగాణ ఏర్పాటు అసాధ్యమని ఆయన అన్నారు. తెలంగాణ కళాకారులు పాట పాడుతున్న సమయంలోనే, పాట పూర్తయ్యే లోపే తెలంగాణ ఏర్పాటుకు అవకాశమున్నా కాంగ్రెస్ ప్రభుత్వం అందుకు సుముఖంగా లేదని బిజెపి జాతీయ కార్యదర్శి సి హెచ్ విద్యాసాగరరావు ఆరోపించారు.