ధర్నాలో చంద్రబాబు, రాఘవులు

హైదరాబాద్: ధరల పెరుగుదలకు నిరసనగా తెలుగుదేశం, సిపియం రాష్ట్రవ్యాప్తంగా గురువారం ఆందోళనకు దిగాయి. రాష్ట్రవ్యాప్తంగా జిల్లా కలెక్టరేట్లను ఆందోళనకారులు ముట్టడించారు. గుంటూరు జిల్లా కలెక్టర్ కార్యాలయం ముట్టడి ఉద్రిక్తంగా మారింది. కార్యాలయంలోకి చొచ్చుకుపోవడానికి ఆందోళనకారులు ప్రయత్నించడంతో పోలీసులు లాఠీచార్జీ చేశారు. ఈ లాఠీచార్జీలో రమాదేవి అనే సిపియం నాయకురాలు గాయపడ్డారు.

హైదరాబాదులో ఇందిరా పార్కు వద్ద తెలుగుదేశం, సిపియం నాయకులు, కార్యకర్తలు ధర్నాకు దిగారు. ఈ ధర్నాలో నారా చంద్రబాబునాయుడు, టి. దేవేందర్ గౌడ్, రోజా, సిపియం నాయకుడు బి.వి. రాఘవులు, సిపిఐ నాయకుడు పువ్వాడ నాగేశ్వరరావు తదితరులు పాల్గొన్నారు. ధరలను అరికట్టడంలో ప్రభుత్వం విఫలమైందని చంద్రబాబుతో సహా పలువురు నాయకులు విమర్శించారు.