ఉప ఎన్నికల రెఫరెండమే: జానారెడ్డి

వరంగల్: ఉప ఎన్నికలు రెఫరెండమేనని రాష్ట్ర హోంమంత్రి కె. జానారెడ్డి అన్నారు. వరంగల్లు నియోజకవర్గంలోని ఎన్నికల ప్రచార సభ సోమవారం ప్రసంగిస్తూ ఆయన ఆ అభిప్రాయం వక్తం చేశారు. ప్రభుత్వ పనితీరును ప్రజలు బేరీజు వేస్తారని ఆయన అన్నారు. ఈ ఉప ఎన్నికలు రెఫరెండం కాదని ముఖ్యమంత్రి డాక్టర్ వైయస్ రాజశేఖర రెడ్డి అభిప్రాయపడుతున్నారు. ముఖ్యమంత్రి అభిప్రాయంతో హోంమంత్రి విభేదిస్తున్నట్లు అర్థం చేసుకోవాల్సి ఉంటుంది.

కాంగ్రెస్ పాలనను ప్రజలు ఆదరిస్తున్నారా, లేదా అనే విషయం ఈ ఎన్నికల ద్వారా వెల్లడవుతుందని ఆయన అన్నారు. అభివృద్ధి పేరుతో తెలుగుదేశం పార్టీ అధ్యక్షుడు నారా చంద్రబాబునాయుడు గతంలో మోసం చేశారని ఆయన విమర్శించారు. తెలంగాణ రాష్ట్ర సమితి (తెరాస) ప్రజలను మోసం చేసిందని ఆయన అన్నారు.