సలహాలిస్తే పాటిస్తా: కెసిఆర్

హైదరాబాద్: లోపాలను సరిదిద్దుకుని ముందుకు సాగుతామని తెలంగాణ రాష్ట్ర సమితి (తెరాస) అధ్యక్షుడు కె. చంద్రశేఖరరావు చెప్పారు. మేధావులు, కవులు, రచయితలు, అధ్యాపకులతో ఆయన మంగళవారంనాడు మేధో మథనం కార్యక్రమాన్ని నిర్వహించారు. మేధావులు సలహాలు ఇస్తే స్వీకరించడానికి సిద్ధంగా ఉన్నామని, లోపాలు ఉంటే సవరించకుంటామని ఆయన అన్నారు. ఆశించిన ఫలితాలు రాకపోయినా పెద్ద పార్టీగా ప్రజలు తెరాసను గుర్తించారని, ప్రధానమైన తెలుగుదేశం, కాంగ్రెసు పార్టీల కన్నా ఎక్కువ ఓట్లు సాధించామని ఆయన చెప్పారు.

ఉప ఎన్నికల ఫలితాలపై తాను భయపడలేదని, బాధపడ్డానని కెసిఆర్ అన్నారు. మళ్లీ తాము పుంజుకుంటామని ఆయన అన్నారు. దాదాపు 200 మంది ఈ మేధో మథన సదస్సులో పాల్గొన్నారు. ఓటమికి కారణాలు, వైఫల్యాలు, భవిష్యత్తులో అనుసరించాల్సిన వ్యహం వంటి విషయాలపై సదస్సులో చర్చించారు. సదస్సులో తెరాస సిద్ధాంతకర్త ప్రొఫెసర్ జయశంకర్ కూడా పాల్గొన్నారు.